पारशिवनी : चालकाचा ताबा सुटल्याने वेगात असलेली माेटरसायकल राेडलगतच्या मैलाच्या दगडावर धडकली. यात गंभीर जखमी झालेल्या दुचकीचालकाचा उपचारादरम्यान मृत्यू झाला. ही घटना पारशिवनी पाेलीस ठाण्याच्या हद्दीतील हिंगणा (बाराभाई) ते डाेरली मार्गावर नुकतीच घडली.
राेशन रामचंद्र चिचुलकर (२३, रा. हिंगणा बाराभाई, ता. पारशिवनी) असे मृताचे नाव आहे. राेशन त्याच्या एमएच-४०/बीपी९०३७ क्रमांकाच्या माेटरसायकलवर एका जखमी व्यक्तीला घेऊन वेगात जात हाेता. दरम्यान, हिंगणा (बाराभाई)-डाेरली मार्गावर त्याचा वेगात असलेल्या दुचाकीवरील ताबा सुटला आणि ती राेडलगतच्या मैलाच्या दगडाला धडकली. त्यात दाेघांनाही गंभीर दुखापत झाली. त्यांना पारशिवनी येथील ग्रामीण रुग्णालयात प्रथमाेपचार केल्यानंतर नागपूर येथील मेडिकल हाॅस्पिटलमध्ये भरती करण्यात आले. तिथे राेशनचा उपचारादरम्यान मृत्यू झाला. याप्रकरणी पारशिवनी पाेलिसांनी राेशनविरुद्ध भादंविचे २७९, ३३७, ३०४ (अ) अन्वये गुन्हा नाेंदविला असून, या घटनेचा तपास पाेलीस उपनिरीक्षक नागलवार करीत आहेत.