लोकमत न्यूज नेटवर्क
नागपूर : मनपातील सत्तापक्षनेते संदीप जाधव यांनी व्यक्तिगत कारणामुळे महापौर दयाशंकर तिवारी यांच्याकडे पदाचा राजीनामा दिला आहे. शहर अध्यक्ष आमदार प्रवीण दटके यांनी केंद्रीय मंत्री नितीन गडकरी व विधानसभेतील विरोधीपक्षनेते देवेंद्र फडणवीस तसेच प्रमुख पदाधिकाऱ्यांशी चर्चा करून सत्तापक्षनेते पदी स्थायी समितीचे माजी अध्यक्ष अविनाश ठाकरे यांची निवड करण्याचा निर्णय घेतला आहे. लवकरच ते पदभार स्वीकारणार आहेत.
आगामी महापालिका निवडणूक विचारात घेता सत्ताधारी भाजपने अविनाश ठाकरे यांची निवड करण्याचा निर्णय घेतला आहे. मागील काही दिवसापासून ठाकरे यांची सत्तापक्षनेते पदी निवड होणार असल्याची मनपात चर्र्र्चा होती. परंतु घोषणा होत नव्हती. लवकरच विषय समित्यांच्या सभापतींची निवड केली जाणार असल्याची माहिती मनपातील पदाधिकाऱ्यांनी दिली.