नागपूर : हिंगणा येथील खडका परिसरात बकऱ्याच्या वादातून दोघांनी शेजाऱ्यास दांड्याने प्रहार करून जखमी केले आहे. ही घटना शुक्रवारी सकाळी ७.३० वाजताची आहे. आरोपी निलेश्वर तलांडे (४८) व त्याचा मुलगा रंजित तलांडे (२०) हे आहेत. फिर्यादी अर्जुन मेश्राम (३८) यांच्या तक्रारीवरून हिंगणा पोलिसांनी आरोपींविरूद्ध गुन्हा दाखल केला आहे. मेश्रामकडे शेळीचे पिल्लू आहे. या पिल्लूला तलांडेचा बकरा त्या पिल्लूला नेहमी मारत होता. यावरून मेश्रामने तलांडेला आपला बकरा सांभाळून ठेवण्याचे सांगितले. यावरून आरोपींनी मेश्रामवर दांड्याने हल्ला चढवला.
---------------
दोघांवर रॉडने हल्ला
नागपूर : इमामवाडा ठाण्यांतर्गत रेशीमबाग चौकात क्षुल्लक वादातून रॉडने हल्ला करत दोघांना जखमी करण्यात आले आहे. ही घटना शुक्रवारी दुपारी ४.३० वाजताची आहे. जखमींमध्ये शेख मुबारक (३०, रा. ताजबाग) व मो. शाकीब यांचा समावेश आहे. आरोपींमध्ये मुख्तार ताजू पहलवान, बल्लू नायर, मोंटू नवाब, परवेज व अन्य एकाचा समावेश आहे. फिर्यादी शेख मुबारक यांच्या म्हणण्यानुसार दुपारी ४ वाजता त्याला त्याचा मित्र शाकीबने रेशीमबाग चौक, डायमंड कार बाजारच्या जवळ बोलावले होते. तेथे पोहोचल्यावर शाकीब व मुख्तार ताजू यांच्यात वादविवाद सुरू होता. आरोपी शाकीबला मारहाण करत होते. मध्यस्ती करण्यास गेला असता आरोपींनी दोघांच्याही डोक्यावर रॉडने प्रहार करून त्यांना जखमी केले. फिर्यादीच्या तक्रारीवरून इमामवाडा पोलिसांनी आरोपींच्या विरूद्ध गुन्हा दाखल केला आहे.
.............