कामठी : गणपती विसर्जनादरम्यान हातात शस्त्र घेऊन दहशत निर्माण करीत असलेल्या तरुणास पाेलिसांनी अटक केली व त्याच्याकडून शस्त्र जप्त केले. ही कारवाई कामठी शहरातील श्री साईबाबा मंदिर परिसरात रविवारी (दि. १९) सायंकाळी ४ वाजताच्या सुमारास करण्यात आली.
राहुल विजय कोयाम (२४, रा. बंगाली कॉलनी, संजयनगर, कामठी) असे अटकेतील आराेपीचे नाव आहे. कामठी शहरातील बहुतांश भाविक गणपती विसर्जनासाठी कन्हान नदीवरील महादेव घाट येथे जातात. काेराेना संक्रमणामुळे येथे गणपती विसर्जन करण्यावर प्रशासनाने बंदी घातली. शिवाय, स्थानिक नगरपालिका प्रशासनाने कृत्रिम टँकची निर्मिती करून गणपती विसर्जनाची साेय केली. भाविक शहरातील श्री साईबाबा मंदिर परिसरातील टँकजवळ गणपती विसर्जन करण्यासाठी येत असताना तिथे राहुल हातात चाकून घेऊन फिरत हाेता व नागरिकांमध्ये दहशत निर्माण करीत हाेता. त्यामुळे काहींनी याबाबत पाेलिसांना सूचना दिली. पाेलिसांनी लगेच घटनास्थळ गाठून राहुलला ताब्यात घेत अटक केली व त्याच्याकडून चाकू जप्त केला. याप्रकरणी कामठी (जुनी) पाेलिसांनी गुन्हा नाेंदवून तपास सुरू केला आहे.