नागपूर : महापालिकेच्या उपद्रव शोध पथकाच्या जवानांनी मंगळवारी मास्कशिवाय फिरणाऱ्या बेजबाबदार ८० नागरिकांकडून ४० हजार रुपयांचा दंड वसूल केला. मागील काही महिन्यात शोध पथकांनी ३६,८०५ नागरिकांविरुद्ध कारवाई करून १ कोटी ६७ लाख ६१ हजार ५०० रुपयांचा दंड वसूल केला आहे.
कोरोना रुग्णांची संख्या पुन्हा वाढत चालली असून, कोरोना विषाणूचा संसर्गाचा अद्याप धोका टळला नाही. आताही अनेक ठिकाणी नागरिक सुरक्षित अंतर पाळत नाही. नागरी भागात तर विनामास्क नागरिक फिरताना दिसतात. ही बाब घातक आहे.
पथकाद्वारे मंगळवारी लक्ष्मीनगर झोनअंतर्गत २३, धरमपेठ व हनुमाननगर झोनअंतर्गत प्रत्येकी १, धंतोली ७, नेहरूनगर ६, गांधीबाग ७, सतरंजीपुरा ०, लकडगंज ४, आशीनगर १८, मंगळवारी झोनमध्ये १३ जणांविरुद्ध केली. शोध पथकाचे प्रमुख वीरसेन तांबे यांच्या मार्गदर्शनात ही कारवाई केली जात आहे.