दुचाकीचालकाचा अपघाती मृत्यू

लाेकमत न्यूज नेटवर्क

पारशिवणी : भरधाव अज्ञात वाहनाने विरुद्ध दिशेने येणाऱ्या माेटारसायकलला जाेरात धडक दिली. त्यात डाेक्याला गंभीर दुखापत झाल्याने दुचाकीचालकाचा घटनास्थळीच मृत्यू झाला. ही घटना पारशिवणी पाेलीस ठाण्याच्या हद्दीतील खापरखेडा-पारशिवणी मार्गावरील परसाेडी फाटा येथे साेमवारी (दि. २९) दुपारी चार वाजण्याच्या सुमारास घडली.

रवी शिवाजी गोडघाटे (वय ५८, रा. राजकमल चौक, पार्वतीनगर, नागपूर) असे मृताचे नाव आहे. ते फाेटाेग्राफीचा व्यवसाय करायचे. पारशिवणी येथील नातेवाइकाने हाेळीनिमित्त निमंत्रण दिल्याने ते एमएच-४९/पी-३०५४ क्रमांकाच्या माेटारसायकलने खापरखेडा (ता. सावनेर) मार्गे पारशिवणीला येत हाेते. दरम्यान, ते या मार्गावरील परसाेडी फाटा परिसरात असलेल्या शेगावकर यांच्या शेताजवळ येताच विरुद्ध दिशेने वेगात येणाऱ्या भरधाव अज्ञात वाहनाने त्यांच्या माेटारसायकलला जाेरात धडक दिली आणि वाहन निघून गेले. यात ते शेताच्या रस्त्यालगत असलेल्या कुंपणावर फेकले गेले. शिवाय, त्यांच्या डाेक्यालाही गंभीर दुखापत झाली. त्यामुळे त्यांचा घटनास्थळीच मृत्यू झाला. माहिती मिळताच पाेलिसांनी घटनास्थळ गाठून मृतदेह उत्तरीय तपासणीसाठी पारशिवणी येथील ग्रामीण रुग्णालयात आणला. या प्रकरणी पारशिवणी पाेलिसांनी अज्ञात वाहनचालकाविरुद्ध गुन्हा नाेंदवून तपास सुरू केला आहे. दुसरीकडे, हा अपघात नसून घातपात असावा, अशी शक्यताही त्यांच्या कुटुंबीयांनी व्यक्त केली.