नरखेड : पाेलिसांनी वडचिचाेली-सावरगाव मार्गावर केलेल्या कारवाईमध्ये गुरांची अवैध वाहतूक करणारे चार ट्रक पकडले. यात ट्रकचालकासह आठ आराेपींना अटक करण्यात आली असून, ट्रकमधील ७८ रेडे व १९ म्हशी अशा ९७ जनावरांची सुटका करण्यात आली. या कारवाईत एकूण एक काेटी दोन लाख ५५ हजार रुपये किमतीचा मुद्देमाल जप्त केला. ही कारवाई मंगळवारी (दि. ६) मध्यरात्री ३.३० वाजेच्या सुमारास करण्यात आली.
अटक करण्यात आलेल्या आराेपींमध्ये राेशन नानुवरकडे (३५, रा. चंडालभाटा, जबलपूर, मध्य प्रदेश), आमीर महबूब कुरेशी (२०, रा. भैसवाहिता, नयनपूर, जि. मंडला), अन्सार रियासत अली (३५, रा. डिलवारा, ता. नयनपूर, जि. मंडला), आसिफ अहमद आसीम अहमद (१९, रा. भैसवाहीता, नयनपूर, जि. मंडला), पवनकुमार सुरेश नारायण पाठक (३४, रा. लालिता, जि. प्रतापगड, उत्तर प्रदेश), माेहम्मद शेबुमाेहम्मद नसीम (१८, रा. साेनवरसाता, जि. प्रतापगड), जाहीद अली असीफअली (१८, रा. वाजीदपूर, ता. काेहंडळ, जि. प्रतापगड) व ट्रक क्लिनर अब्दुल कादीर आजमअली (१८, रा. नरसिंहगड, जि. प्रतापगड, उत्तर प्रदेश) यांचा समावेश आहे. मध्य प्रदेशातून वडचिचाेली-सावरगावमार्गे अवैधरीत्या गुरांची कत्तलखान्याकडे वाहतूक केली जात असल्याची गुप्त सूचना ठाणेदार जयपालसिंग गिरासे यांना मिळाली. त्या माहितीच्या आधारे पाेलिसांनी सावरगाव बसथांबा परिसरात नाकाबंदी सुरू केली. दरम्यान, मध्यरात्री ३.३० वाजताच्या सुमारास पाेलिसांनी सीजी-०९/एम-५६४३, सीजी-०९/जेबी-७२०१, यूपी-७२/एटी-९४९४ व यूपी-७२/एटी-३५२६ क्रमांकाचे चार ट्रक थांबवून पाहणी केली असता, त्यात १९ म्हशी व ७८ हेले (रेडे) आढळून आले. ही जनावरांची अवैध वाहतूक असल्याचे स्पष्ट हाेताच, पाेलिसांनी सर्व जनावरे व चार ट्रक ताब्यात घेत आराेपींना अटक केली. हेले व म्हशींना नरखेड येथील अमृत गाेरक्षण केंद्रात पाठविण्यात आले. या कारवाईत ९७ जनावरे व चार ट्रक असा एकूण एक काेटी दोन लाख ५५ हजार रुपयांचा मुद्देमाल जप्त केल्याची माहिती ठाणेदार जयपालसिंग गिरासे यांनी दिली.
याप्रकरणी नरखेड पाेलिसांनी आराेपींविरुद्ध कलम ११ (१)(ड) प्राण्यांना निर्दयतेने वागणूक कायदा, सहकलम ८३,१७७ अन्वये गुन्हा नाेंदवून आठ आराेपींना अटक केली आहे. ही कारवाई ठाणेदार जयपालसिंग गिरासे, पाेलीस उपनिरीक्षक अरुण खुटेमाटे, महेश बाेथले, सहायक फाैजदार लक्ष्मीकांत बांदरे, हवालदार सुरेंद्रसिंह ठाकूर यांच्या पथकाने केली.