नागपूर : कोरोनाची दैनंदिन रुग्णसंख्या मागील तीन दिवसांपासून पाचच्या आत आहे. मंगळवारी ३ नव्या रुग्णांची भर पडली. नागपूर जिल्ह्यात रुग्णांची एकूण संख्या ४,९२,९७४ झाली आहे. पाच दिवसांपासून मृत्यूची नोंद नसल्याने मृतांची संख्या १०,११८वर स्थिर आहे. सध्या शहरात कोरोनाचे ९०, ग्रामीणमध्ये ९ तर जिल्हाबाहेरील ३ असे एकूण १०२ रुग्ण सक्रिय आहेत.
नागपूर जिल्ह्यात मंगळवारी तपासण्यांची संख्या वाढली. शहरात ३,४१३ तर ग्रामीणमध्ये ६६८ असे एकूण ४,०८१ तपासण्या झाल्या. यात शहरातून २, ग्रामीणमधून १ रुग्ण पॉझिटिव्ह आला. शहरात रुग्णांची एकूण संख्या ३,४०,०३५ झाली असून, मृतांची संख्या ५,८९३ वर पोहोचली आहे. ग्रामीणमध्ये रुग्णांची संख्या १,४६,१२३ तर मृतांची संख्या २,६०३ आहे. आज ४ रुग्ण कोरोनातून बरे झाले. कोरोनावर मात करणाऱ्यांची संख्या ४,८२,७५४ झाली. कोरोनाचा सक्रिय रुग्णांमध्ये ५३ रुग्ण होम आयसोलेशनमध्ये तर ४९ रुग्ण विविध शासकीयसह खासगी रुग्णालयात उपचार घेत आहेत.
:: कोरोनाची मंगळवारची स्थिती
दैनिक चाचण्या: ४०८१
शहर : २ रु ग्ण व ० मृत्यू
ग्रामीण : १ रुग्ण व ० मृत्यू
ए. बाधित रुग्ण :४,९२,९७४
ए. सक्रिय रुग्ण : १०२
ए. बरे झालेले रुग्ण : ४,८२,७५४
ए. मृत्यू : १०११८