राष्ट्रवादी काँग्रेस पार्टीचे मुंबई अध्यक्ष सचिन आहिर यांच्या उपस्थितीत आज शुक्रवारी 13 मे रोजी वरळी येथील नाल्यामध्ये उतरत नालेसफाई संदर्भात आंदोलन केले. यावेळी अशोक धात्रक उपाध्यक्ष (प्रशासन) यांच्यासह पक्षाचे अनेक कार्यकर्ते उपस्थित होते.
(व्हिडीयो सुशील कदम)
काय आहे मुंबईतल्या नालेसफाईचा प्रश्न...
- नाल्यांच्या सफाईतून ठेकेदारांनी पालिकेच्या तिजोरीची सफाई केल्यानंतरही प्रशासनाला अद्याप शहाणपण आलेले नाही़ यंदाही गाळ टाकण्याच्या जागेचा पत्ता नसताना ठेकेदारांना कोट्यवधी रुपयांचे कंत्राट देण्याची शिफारस प्रशासनाने केली आहे, मात्र स्थायी समितीने यास विरोध करीत हा प्रस्ताव राखून ठेवला़ त्यामुळे शहर भागातील नालेसफाईची कामे टांगणीवर पडली आहेत.
- नाल्यांमधील गाळ काढण्यासाठी पालिकेकडे जागा नसल्याने ही जबाबदारी ठेकेदारांवर सोपविण्यात आली आहे़ मात्र ठेकेदारांनी सादर केलेले प्रमाणपत्र बनावट असल्याचे गेल्यावर्षी चौकशीतून उजेडात आले़. सुमारे दीडशे कोटी रुपयांच्या या घोटाळ्यानंतर पालिकेने ठेकेदारांवर कारवाई केली़, यामुळे नवीन ठेकेदार मिळण्यास अडचणी.
- नाल्यांतून काढलेला गाळ ठेकेदार कुठे टाकणार, याबाबत प्रशासनच अनभिज्ञ आहे़ याबाबत माहिती विचारल्यावर अतिरिक्त आयुक्त संजय देशमुख निरुत्तर.
- मुंबईत मोठे व छोटे नाले तसेच नदींची एकूण लांबी ६५० कि़मी़ आहे़ यापैकी शहरात १०९ कि़मी़, पूर्व उपनगरांमध्ये २३० कि़मी़ आणि पश्चिम उपनगरांमध्ये ३११ कि़मी़ लांबीचे नाले आहे़त.
- २०१६ ते २०१८ पर्यंत असे दोन वर्षांचे शहर भागातील नालेसफाईचे कंत्राट देण्यात येणार आहे़, यासाठी १२ कोटी ७५ लाख रुपये राखून ठेवण्यात आले आहे़त.
- नालेसफाईचा गाळ टाकण्यासाठी मुंबईबाहेरील ग्रामपंचायतीचे बोगस ना हरकत प्रमाणपत्र देऊन ठेकेदारांनी पालिकेला फसवले़ हा घोटाळा उघड झाल्यानंतर आयुक्त अजय मेहता यांनी ठेकेदारांना काळ्या यादीत टाकण्याची कारवाई सुरू केली़.