ऑनलाइन लोकमत
मालेगाव ( वाशिम ) दि. 30, - मालेगाव - अकोला रस्त्यावरील मेडशीजवळ रविवारी सकाळी ८ वाजता टाटा एसीई या धावत्या टेम्पोने अचानक पेट घेतला. हा टेम्पो अकोला येथून फुले विकून चिखली येथे परत जात असताना हा अपघात झाला . आग विझविण्यासाठी पोलीस कर्मचारी सुरेंद्र तिखिले , गायकवाड तसेच प्रसाद पाठक, इंद्रजीत घुगे , वैभव तायडे रवी तायडे आदीनी मदत केली . अचानक लागलेल्या आगीमुळे टेम्पोचे नुकसान झाले .