ऑनलाइन लोकमत
दादर, दि. १८ - सांताक्रूझ- विलेपार्ले मार्गादर्मयान रेल्वे रुळांवर बिघाड झाल्याने पश्चिम रेल्वेची वाहतूक विस्कळीत झाली आहे. डाऊन जलद मार्गावरील वाहतूक विस्कळीत झाल्याने विरारच्या दिशेने जाणा-या तासभर उशीराने धावत आहेत. ऐन गर्दीच्या वेळेस हा बिघाड झाल्याने गाड्यांचे वेळापत्रक बिघडले असून कामावरून थकून घरी परतणा-या चाकरमान्यांचे मात्र प्रचंड हाल होत आहेत.
दरम्यान रेल्वे अधिकारी व कर्मचा-यांनी घटनास्थली धाव घेतली असून बिघाड दुरूस्तीचे काम सुरू आहे.