मुंबई : विधानपरिषदेवर निवडून आलेल्या चार सदस्यांचा शपथविथी मंग़ळवारी झाला. पदवीधर मतदारसंघातून निवडून आलेले डॉ. रणजित पाटील आणि शिक्षक मतदारसंघातून निवडून आलेले विक्रम काळे, ना. गो. गाणार, बाळाराम पाटील यांना विधानपरिषदेचे सभापती रामराजे नाईक निंबाळकर यांनी विधानपरिषद सभागृहात शपथ दिली.विधानभवनात झालेल्या शपथविधी समारंभास विधानपरिषदेचे सदस्य हेमंत टकले, सुनिल तटकरे, शरद रणपिसे, प्रधान सचिव डॉ. अनंत कळसे, सचिव राजकुमार सागर आदी उपस्थित होते. विधानपरिषदेच्या पदवीधर मतदारसंघासाठी घेण्यात आलेल्या निवडणूकीत डॉ. रणजीत पाटील अमरावती पदवीधर मतदार संघातून तर शिक्षक मतदार संघाच्या औरंगाबाद मतदारसंघातून विक्रम काळे, नागपूर विभागातून ना. गो. गाणार, कोकण विभागातून बाळाराम पाटील हे निवडून आले आहेत. त्यांनी आज विधानपरिषद सदस्यत्वाची शपथ घेतली. (विशेष प्रतिनिधी)
विधानपरिषद सदस्यांचा शपथविधी
By admin | Updated: February 15, 2017 03:19 IST