नंदुरबार : गुजरातमधील चलथान रेल्वेस्थानकाजवळ मालगाडी रुळावरून घसरल्याने सुरत-भुसावळ मार्गावरील रेल्वे वाहतूक ठप्प झाली आहे. सर्व प्रवासी गाड्या थांबवून ठेवण्यात आल्याने प्रवाशांचे हाल झाले. पश्चिम रेल्वेच्या भुसावळ-सुरत मार्गावरील चलथान रेल्वेस्थानकाजवळ मंगळवारी सायंकाळी ५.१५ वाजता मालगाडी रुळावरून घसरली. यात कोणतीही जीवित हानी झाली नसली तरी या मार्गावरून येणार्या व जाणार्या प्रवासी गाड्या मात्र थांबवून ठेवण्यात आल्या आहेत. त्यात नंदुरबारहून सुरतकडे जाणारी ताप्तीगंगा, अमरावती-सुरत फास्ट पॅसेंजर व भुसावळ-सुरत पॅसेेंजर या गाड्यांचा समावेश आहे. या सर्व गाड्या व्यारा व मढी येथील रेल्वेस्थानकांवर थांबवून ठेवण्यात आल्या आहेत. रात्री उशिरापर्यंत या गाड्या थांबविण्यात आल्याने या गाड्यांमधील प्रवाशांचे मात्र हाल झाले.
सुरत-भुसावळ रेल्वेमार्ग ठप्प!
By admin | Updated: May 14, 2014 00:33 IST