लोकमत आॅनलाईन
शिरवळ (सातारा), दि. १२ - खंडाळा तालुक्यातील तोंडल येथे एसटीतून उतरल्यानंतर मालट्रकने दिलेल्या जोरदार धडकेत चौदा वर्षीय विद्यार्थ्याचा जागीच मृत्यू झाला आहे. अनिकेत विजय भोसले (रा. तोंडल) असे ठार झालेल्या विद्यार्थ्याचे नाव आहे.
दरम्यान, अनिकेत हा शाळेसाठी शुक्रवारी सकाळी वाठार कॉलनी येथे गेला होता. मात्र, त्याची तब्येत बिघडल्याने तो पुन्हा गावी एसटीने येत होता. गावी आल्यानंतर एसटीतून उतरताच त्याच्यावर काळाने घाला घातला. हा अपघात शुक्रवारी सकाळी अकराच्या सुमारास झाला. याप्रकरणी ट्रकचालकाला ताब्यात घेतले आहे.