ऑनलाइन लोकमत
मुंबई, दि. 8 - कान्स फिल्म फेस्टीवलसाठी राज्य सरकारकडून तीन मराठी चित्रपटांची निवड करण्यात आली आहे. कान्ससाठी पाठवावयाच्या तीन चित्रपटांची निवड करण्यासाठी समिती स्थापन करण्यात आली होती. समिती सदस्यांनी 16 चित्रपटांमधून 3 चित्रपटांची निवड केली आहे. 17 ते 28 मे दरम्यान कान्स फिल्म फेस्टीवल होणार आहे.
निवड करण्यात आलेले तीन चित्रपट पुढीलप्रमाणे आहेत –
1) मे.हॅपी माईंडस एंटरटेंमेंट प्रा.लि. निर्मित - “सायकल” 2) मे.एस.पी. इंटरटेंनमेंट प्रा.लि. निर्मित - “टेक केअर गुड नाईट” 3) मे.रंगनील क्रिएशन्स निर्मित - “दशक्रिया” याची घोषणा सांस्कृतिक कार्यमंत्री विनोद तावडे यांनी आज एका प्रसिध्दी पत्रकाच्या माध्यमातून केले. कान्ससाठी निवड करण्यात आलेल्या 3 चित्रपटांचे प्रत्येकी 2 प्रतिनिधी असे एकूण 6 प्रतिनिधी महोत्सवासाठी पाठविण्यात येणार आहेत.