शिवसेना-काँग्रेसचे व्हॅलेंटाइन फिक्स - तावडे

मुंबई महानगरपालिकांच्या निवडणुकीची रणधुमाळी चांगलीच रंगली आहे. विशेषता शिवसेना-भाजपा यांच्यातील आरोप-प्रत्यरोप संपतचं नाहीत

ऑनलाइन लोकमतमुंबई, दि. 14 - मुंबई महानगरपालिकांच्या निवडणुकीची रणधुमाळी चांगलीच रंगली आहे. विशेषता शिवसेना-भाजपा यांच्यातील आरोप-प्रत्यरोप संपतचं नाहीत. आजचा व्हॅलेंटाईनचा मुहुर्तु साधत शिक्षणमंत्री विनोद तावडे यांनी काँग्रेस आणि शिवसेनेवर टीकास्त्र सोडले आहे. मुंबई महानगर पालिकेच्या निवडणुकीत काँग्रेस-शिवसेनेची आतून युती झाली आहे असा आरोप यावेळी त्यांनी केला. मुंबई महानगरपालिकेसाठी काँग्रेस-शिवसेनेची अभद्र युती झाली आहे. शिवसेना-काँग्रेसचे व्हॅलेंटाइन फिक्स झालेलं आहे. काँग्रेसने शिवसेनेला 40 जागांवर गिफ्ट दिलं, तर सेनेनं काँग्रेसला दहा जागांवर गिफ्ट दिलं असल्याचे तावडे म्हणाले.