"तिने" अखेर प्रियकराचा लग्नाचा मांडव दिला पेटवून

प्रेमात विश्वासघात करुन प्रियकर दुस-या तरुणीबरोबर विवाहबद्ध होत असल्याने संतप्त झालेल्या प्रेयसीने प्रियकराचा लग्नाचा मांडव पेटवून दिल्याची घटना पुण्यात कात्रजमध्ये घडली आहे.

 ऑनलाइन लोकमत 

पुणे, दि. 20 - प्रेमात विश्वासघात करुन प्रियकर दुस-या तरुणीबरोबर विवाहबद्ध होत असल्याने संतप्त झालेल्या प्रेयसीने प्रियकराचा लग्नाचा मांडव पेटवून दिल्याची घटना पुण्यात कात्रजमध्ये घडली आहे. आरोपी तरुणीने रविवारी प्रियकराची दुचाकीही जाळली होती. 33 वर्षीय प्रियकराने त्याची दुचाकी जाळल्याची तक्रार दाखल केल्यानंतर तपास सुरु असतानाच त्याने कोणीतरी लग्नाचा मांडव जाळल्याची तक्रार दाखल केली. 

 

लग्नाला एकदिवस उरला असताना मांडव जाळण्यात आला. त्यानंतर पोलिसांनी त्यांना खब-याकडून मिळालेल्या माहितीच्या आधारावर दत्तनगर येथून आरोपी तरुणीला अटक केली. चौकशीमध्ये तिने आपणच दोन्ही गुन्हे केल्याची कबुली दिली. तिला 20 मे पर्यत पोलीस कोठडी देण्यात आली आहे. आपले सहावर्षांपासून प्रेमप्रकरण सुरु होते. त्याने लग्न करण्याचा शब्दही दिला होता. पण त्याने कुठलेही स्पष्टीकरण न देता दुस-या तरुणीबरोबर लग्न करण्याचा निर्णय घेतला. 

 

जेव्हा त्याने मला त्याच्या लग्नाचे निमंत्रण दिले तेव्हा मला संताप अनावर झाला. तिने नवरी मुलीच्या घरी जाऊन नव-या मुलाबरोबर प्रेमसंबंध असल्याचे सांगितले. पण त्याने काहीही फरक पडला नाही. लग्न मोडले नाही. त्यामुळे अखेर तिने लग्नाचा मंडपच पेटवून दिला.