बलात्कार प्रकरणी आरोपीस सात वर्षे सक्तमजुरीची शिक्षा

अल्पवयीन मुलीवर बलात्कार केल्या प्रकरणी आरोपी यास सात वर्ष सक्त मजुरीची शिक्षा सुनावली.

वाशिम : अल्पवयीन मुलीवर बलात्कार केल्या प्रकरणी दोषी आढळून आलेल्या आरोपी दीपक उर्फ सोनू प्रल्हाद सुतार यास सात वर्ष सक्त मजुरीची शिक्षा येथील प्रमुख सत्र न्यायधीश विजय सिकची यांनी गुरुवार १२ जून रोजी सुनावली. रिसोड तालुक्यातील व्याड येथील रहिवाशी दिपक उर्फ सोनू प्रल्हाद सुतार याने ३0 सप्टेंबर २0१२ रोजी स्वत:चे घरात अल्पवयीन मुलीवर बलात्कार करुन तिला घरात कोंडून ठेवले व जिवे मारण्याची धमकी दिली अशी फिर्याद पीडित मुलीने रिसोड पोलिस स्टेशनला दिली होती. सदर प्रकरणी आरोपीविरुध्द भांदवीचे कलम ३७६, ५0६, ३४६ अन्वये गुन्हा दाखल करुन प्रकरण न्यायप्रविष्ठ करण्यात आले होते. आरोपी विरुध्द विद्यमान न्यायालयात दोषारोप पत्र दाखल केले असता आरोपीने गुन्हा कबुल नसल्याचे निवेदन केले होते.त्यानंतर सरकारी पक्षातर्फे विद्यमान न्यायालयात साक्षीदारांच्या साक्षी नोंदविण्यात आल्या. दोन्ही पक्षाच्या युक्तीवाद ऐकल्यानंतर पीडित मुलीच्या वयाच्या विचार करुन न्यायधीश विजय सिकची यांनी आरोपी दीपक उर्फ सोनु सुतार यास कलम ३७६ अन्वये ७ वष्रे सक्त मजुरीची शिक्षा व ५00 रुपये दंड ठोठावला. दंड न भरल्यास पुन्हा ३ महिने साधी शिक्षा तसेच कलम ३४६ अन्वये ६ महिने सक्त मजुरी व २00 रुपये दंड, दंड न भरल्यास पुन्हा एक महिने शिक्षा तर ५0६ अन्वये एक महिने शिक्ष व १00 रुपये दंड दंड न भरल्यास १५ दिवस शिक्षा सुनावली. याप्रकरणी सरकार पक्षातर्फे सरकारी सहायक अभियोक्ता अँड.राजाभाऊ देशमुख यांनी व सहायक म्हणून अँड.पठाडे यांनी काम पाहिले.