लोकमत न्यूज नेटवर्कनाशिक : अंडरवर्ल्ड डॉन दाऊद इब्राहिमच्या नातेवाइकाकडील विवाहसोहळ्यात सहभागी झाल्याबद्दल पोलीस अधिकारी व कर्मचाऱ्यांचे जाबजबाब घेऊन त्यांच्या चौकशीचे संकेत मिळाले असताना त्याचठिकाणी उपस्थित राहिलेल्या राजकारण्यांचे काय याचे कुतुहल नागरिकांमध्ये आहे.गेल्या शुक्रवारी नाशिकच्या त्र्यंबकरोडवर एका मोठ्या भूखंडांवर सदर विवाह सोहळा पार पडला. वधूपिता हा अंडरवर्ल्ड डॉन दाऊदचा नातेवाईक असल्याचे सर्वश्रृत होते, असे असतानाही या विवाह सोहळ्याला पोलीस अधिकारी, कर्मचाऱ्यांनी हजेरी लावल्याचा संदेश सोशल मिडियावर प्रसारीत झाल्यानंतर सदर प्रकार उघडकीस आला होता.भद्रकाली पोलीस ठाण्याचे वरिष्ठ अधिकारी आणि कर्मचारी मिळून सुमारे वीस जणांनी विवाह सोहळ्याला हजेरी लावल्याने आश्चर्य व्यक्त केले जात आहे. नाशिकचे पोलीस आयुक्त रवींद्रकुमार सिंंगल यांनी या प्रकाराची चौकशी सुरू केली आहे. परंतु याच विवाह सोहळ्यास सर्वपक्षीय राजकारण्यांनीही हजेरी लावली होती, त्यांचे काय याची उत्सुकता लागून आहे.
पोलिसांची चौकशी, राजकारण्यांचे काय?
By admin | Updated: May 25, 2017 01:42 IST