नवीन ज्वारीची खरेदी १ नोव्हेंबरपासून!

धान आणि ज्वारीची हमी दराने खरेदी शासनामार्फत १ नोव्हेंबरपासून सुरू करण्यात येणार.

संतोष येलकरअकोला, दि. २७- आधारभूत किंमत खरेदी योजनेंतर्गत यावर्षीच्या खरीप हंगामातील धान आणि ज्वारीची हमी दराने खरेदी शासनामार्फत १ नोव्हेंबरपासून सुरू करण्यात येणार आहे. गतवर्षी खरेदी करण्यात आलेली ज्वारी शासनाच्या आदेशाअभावी राज्यातील शासकीय धान्य गोदामांमध्ये अद्याप पडलेली असतानाच, नवीन ज्वारी खरेदी सुरू करण्यात येत आहे हे विशेष. सन २0१६-१७ यावर्षीच्या खरीप हंगामात किमान आधारभूत किंमत खरेदी योजनेंतर्गत धान आणि ज्वारी तसेच बाजरी व मका या भरड धान्याच्या किमान आधारभूत किमती शासनामार्फत जाहीर करण्यात आल्या आहेत आधारभूत किंमत खरेदी योजनेंतर्गत धान, ज्वारी, बाजरी व मका या भरड धान्याची खरेदी सुरू करण्याचा निर्णय शासनाच्या अन्न, नागरी पुरवठा व ग्राहक संरक्षण विभागामार्फत १९ ऑक्टोबर रोजी घेण्यात आला. असे राहतील हमी दर!शासनामार्फत जाहीर करण्यात आलेल्या दरानुसार एफएक्यू दर्जाच्या सर्वसाधारण धानाची प्रतिक्विंटल १ हजार ४७0 रुपये, ह्यअह्ण दर्जाच्या धानाची प्रतिक्विंटल १ हजार ५१0 रुपये, संकरित ज्वारी प्रतिक्विंटल १ हजार ६२५ रुपये, मालदांडी ज्वारी प्रतिक्विंटल १ हजार ६५0 रुपये, बाजरी प्रतिक्विंटल १ हजार ३३0 रुपये व मका प्रतिक्विंटल १ हजार ३६५ रुपये दराने खरेदी करण्यात येणार आहे.