शहरं
Join us  
Trending Stories
1
जल्लोष करा पण कशाचा? राज ठाकरेंच्या एकेकाळच्या आमदाराने उबाठासोबत युतीवर मोठी भविष्यवाणी केली
2
नाना पटोले एका दिवसासाठी निलंबित, विधानसभा अध्यक्षांची कारवाई; अधिवेशनात पहिल्याच दिवशी काय घडलं?
3
'मुख्यमंत्र्यांनी शेतकऱ्यांची माफी मागावी', विधानसभेच्या कामकाजावर विरोधकांचा दिवसभरासाठी बहिष्कार
4
म्युच्युअल फंडात गुंतवणूक करताय? फक्त परतावा नका पाहू, 'या' १० गोष्टी तपासाच! अन्यथा पैसे जातील पाण्यात
5
'त्या' रात्री काय झालं? पतीला कसं मारलं? बॉयफ्रेंडसोबत पकडल्या गेलेल्या ९ मुलांच्या आईने 'असा' केला गुन्हा कबूल! 
6
कॉलर पकडली, फरफटत नेलं, बेदम मारलं; भाजपा नेत्याच्या समर्थकांची आयुक्तांना मारहाण
7
'आभाळमाया'तील चिंगीला असा मिळाला 'बाजीराव मस्तानी', सेटवर संजय भन्साळी चिडले तेव्हा...
8
फक्त एक फोन लीक झाला अन् 'या' देशाच्या पंतप्रधानांना पदावरून हटवलं; नेमकं काय घडलं?
9
कर्नाटक काँग्रेसमध्ये हालचालींना वेग! 'डीके शिवकुमार यांच्यासोबत १०० आमदार'; नेत्याच्या दाव्यामुळे हायकमांड बंगळुरुमध्ये पोहोचले
10
Shefali Jariwala : "परागला चौकशीला जावं लागेल", शेफालीच्या मैत्रिणीनं पोस्टमार्टम रिपोर्टबाबत केले खुलासे, म्हणाली - "काहीतरी गडबड.."
11
"केंद्रात सत्ता येताच राष्ट्रीय स्वयंसेवक संघावर बंदी घालणार’’, काँग्रेसच्या बड्या नेत्याने दिले स्पष्ट संकेत 
12
मस्कना दुकान बंद करून आफ्रिकेला परत जावे लागणार; ट्रम्प यांनी थेट दिली 'डॉज' मागे लावण्याची धमकी
13
Sangareddy Pharma Company Blast: फॅक्ट्रीमध्ये ब्लास्ट, 'सिगाची'चा शेअर जोरदार आपटला; प्लांट बंद, उत्पादनावर मोठं संकट
14
"तो दहशतवाद नाही, त्यांचा संघर्ष", पाकिस्तानचे सैन्य प्रमुख मुनीर यांचे 'नापाक' बोल; भारताबद्दल काय म्हणाले?
15
IND vs ENG: जसप्रीत बुमराहला बाहेर बसवा, 'या' गोलंदाजाला संघात घ्या; अनुभवी ग्रेग चॅपल यांचा सल्ला
16
या जिल्ह्यात हार्ट अटॅकमुळे एका महिन्यात १८ तरुणांचा मृत्यू; सरकारने दिले चौकशीचे आदेश
17
Viral Video: पाळीव कुत्र्यासोबत सायकलवरून १२००० किमी प्रवास, तरुणाचा व्हिडीओ व्हायरल
18
४४० व्होल्टचा झटका! स्मार्ट मीटरच्या नावाने स्कॅम; ६८ लाखांचं बिल पाहून वृद्धाची बिघडली प्रकृती
19
प्रियकरानं सांगितलं म्हणून नवरा सोडला, आता बंद घरात मिळाला तरुणीचा मृतदेह; कसा झाला दुर्दैवी अंत?
20
आवाज मराठीचा...! आम्ही फक्त आयोजक, जल्लोष तुम्ही करायचंय; राज-उद्धव यांचं एकत्रित आवाहन

मनसे अध्यक्ष राज ठाकरे डोंबिवलीसाठी इच्छुक?

By admin | Updated: June 2, 2014 12:45 IST

मनसे अध्यक्ष राज ठाकरे विधानसभा निवडणूक डोंबिवलीतून लढविण्याची शक्यता वर्तवली जात आहे. त्यादृष्टीने सर्वसामान्य नागरिकांची मते जाणून घेण्यासाठी ते दोन दिवस डोंबिवलीत येणार असल्याची चर्चा आहे.

कार्यकर्त्यांमध्ये चर्चा : लवकरच घेणार जनमताचा कानोसा

अनिकेत घमंडी, डोंबिवली

मनसे अध्यक्ष राज ठाकरे यांनी विधानसभा निवडणूक लढणार असल्याचे वक्तव्य शनिवारच्या मुंबईतील सभेत केले. आणि त्यानंतर ते नेमके कुठून उभे राहणार, या कार्यकर्त्यांमध्ये सुरू असलेल्या चर्चेत मुंबई-ठाण्यातील कार्यकर्त्यांनी ते डोंबिवलीतून निवडणूक लढविण्याची शक्यता वर्तवली. डोंबिवलीतील पक्षाच्या पदाधिकार्‍यांनी मात्र सावध पवित्रा घेत याबाबत ठाम भाष्य करणे टाळून ‘असू शकते’ एवढीच प्रतिक्रिया देत नकळतपणे त्यास दुजोरा दिला. त्यादृष्टीने डोंबिवलीतील दिग्गज, प्रतिष्ठित यांच्यासह सर्वसामान्य नागरिकांची मते, त्यांच्या समस्या, तक्रारी, पक्षांतर्गत कुरबुरी जाणून घेण्यासाठी ते लवकरच दोन दिवस येथे तळ ठोकणार असल्याचेही सूत्रांनी स्पष्ट केले. तेव्हाच कल्याण-डोंबिवली महापालिकेतील त्यांच्या तब्बल २८ नगरसेवकांचे प्रगतीपुस्तकही ते तपासतील का, या दडपणामुळे नगरसेवकांचे धाबे दणाणले आहेत. येथे आल्यावर त्यांच्याशीही चर्चा करून येथील मतदारांचा कौल जाणून घेण्याचा प्रयत्न ते करतील. आगामी आठवडा-पंधरवड्यात ते येथे येणार असल्याच्या वृत्तालाही दुजोरा देण्यात आला. डोंबिवलीकरांनीही गेल्या महापालिका निवडणुकीत आणि कल्याण पश्चिम आणि ग्रामीणच्या विधानसभा निवडणुकीत मनसेच्या उमेदवारांना कौल दिला होता. त्यामुळेच या ठिकाणी एक प्रमुख घटक पक्ष अशी त्यांची ख्याती झाली. महापालिकेत मिळालेल्या सर्वाधिक जागांमध्ये डोंबिवलीतून जास्ती नगरसेवक त्यांचे निवडून आले. गेल्या तीन वर्षांच्या कालावधीत त्यांना विरोधकाच्या बाकड्यावर बसून फारसे काहीही साध्य करता आले नसले तरीही मतदारांचे प्रेम असल्याची भावना त्यांच्या कार्यकर्त्यांमध्ये अद्याप आहे. त्यातच लोकसभा निवडणुकीत त्यांच्या उमेदवाराने सपाटून मार खाल्ला असला तरीही डोंबिवलीसह ग्रामीणच्या विधानसभा मतदारसंघातून त्यांना अनुक्रमे ३१,४८४ आणि २६,५३९ मते मिळाल्याने येथे विधानसभा निवडणुकीत चुरस होऊ शकते, अशी कार्यकर्त्यांमध्ये चर्चा आहे. डोंबिवली विधानसभेत सुमारे साडेतीन लाख मतदार असून, लोकसभा निवडणुकीत एकूण १,४७,११७ एवढे मतदान झाले होते. त्यापैकी त्यापैकी शिवसेनेला (महायुतीला) ९०,३५९, मनसे २६,५३९, तर राष्ट्रवादी काँग्रेस १८,१७४ एवढी मते पडली असून अन्य मते ही विभिन्न पक्ष-अपक्ष उमेदवारांना पडली आहेत. या सार्‍याचा विचार करता गेल्या महापालिका अथवा विधानसभा निवडणुकीचा ट्रेंड हा वेगळा होता आणि सध्याची मतदारांची मानसिकता ही ‘नमो’ची असल्याचे स्पष्ट होत आहे. त्यातही डोंबिवली आणि कल्याण हा पूर्वीचा जनसंघाचा आणि सध्याचा भाजपाचा गड असून, तो काबीज करणे मुश्कील असल्याचे काही वर्षांच्या निवडणुकांमधून स्पष्ट होत आहे. परिवर्तन आणि तरुणांची मानसिकता याचा जरी विचार केला तरीही मनसेला येथून विधानसभा त्यांच्या पारड्यात पाडून घेणे कठीण आहे. वास्तविक पाहता एकूण मतदानापैकी अवघे ४१ टक्केच मतदान लोकसभेत झाले होते. मतदारांचा प्रचंड उत्साह असल्याने सकाळच्या वेळेत आणि संध्याकाळी ५-६ या वेळेत झालेले मतदान असून, त्यातील बहुतांशी मतदारांनी महायुती-भाजपाला कौल दिला आहे. त्यातच ज्यांना चढत्या पार्‍यामुळे येता आले नाही ते मतदार विधानसभेची संधी सोडणार नाहीत. त्यामुळे डोंबिवलीची भाजपाची सीट ही विक्रमी मतांनी विजयी होईल, असा विश्वास महायुतीला आहे. त्यामुळे मनसेला येथे विजयश्री मिळवण्यासाठी संघ स्वयंसेवकांसह पांढरपेशा समाज, सध्याच्या आमदारांना असलेला जनाधार, त्यांचा थेट जनसंपर्क या सर्व आव्हानांना तोंड देत पक्षांतर्गत असलेली फूट व गळतीवर अंकुश ठेवावा लागेल. या सर्वांबरोबर कार्यकर्त्यांची भक्कम फळी तयार करावी लागणार असल्याचे मत पदाधिकार्‍यांनी व्यक्त केले.

विशेष ओढ असल्याची चर्चा

कडोंमपात मिळालेल्या अभूतपूर्व यशानंतर राज ठाकरे हे दिवाळी पहाटनिमित्त येथे आले होते. विधानसभा निवडणुकीवेळीही त्यांनी येथीलच एका संकुलात तळ ठोकला होता. त्यावरून त्यांना डोंबिवलीबाबत विशेष ओढ असल्याची चर्चा कार्यकर्त्यांमध्ये आहे.