महाड : गेल्या दीड वर्षापासून अग्निशमन दलाच्या अभावी हैराण झालेल्या महाड औद्योगिक वसाहतीमधील कारखानदारांची गंभीर समस्या मार्गी लागल्याला एक महिनाभराचा काळ संपताच आता या औद्योगिक वसाहतीमधील ट्रक टर्मिनल खाली करण्याचे आदेश महामंडळाने दिल्यामुळे या कारखानदारांपुढे आता नवी समस्या निर्माण झाली आहे. महामंडळाच्या या तडकाफडकी निर्णयामुळे कारखानदार व वाहतूकदारांमध्ये तीव्र संताप व्यक्त करण्यात येत असून पुढे आता नवा पेचप्रसंग उभा राहिला आहे.
महाड औद्योगिक वसाहतीमध्ये मुख्य रस्त्यालगत मध्यवर्ती ठिकाणी 21 हजार 2क्क् चौरस मीटर क्षेत्रफळाचा भूखंड महामंडळाने वाहनतळासाठी विकसित केला असून या वाहनतळावर दररोज पाचशेहून अधिक अवजड व रसायनाचे टँकर्स आदि मालवाहतुकीची वाहने पार्किग करण्यात येत असतात. मात्र वाहनतळ म्हणून राखीव असलेला आणि सध्या वापरात असलेला भूखंड इंडिया पॉवर पार्टनर प्रायव्हेट लिमिटेड या खाजगी उद्योगाला महामंडळाने परस्पर विकल्यामुळे हे वाहनतळ खाली करण्याचे आदेश महामंडळाकडून देण्यात आलेले आहेत. महामंडळाच्या प्रादेशिक अधिका:यांकडून दिलेल्या सूचनेनुसार महामंडळाचे महाडचे कार्यकारी अभियंता यांनी महाड उत्पादक संघटनेला दि. 15 सप्टेंबर 2क्14 रोजीच्या दिलेल्या पर्यायानुसार ट्रक टर्मिनलसाठी महाड औद्योगिक वसाहतीत अन्य ठिकाणी सोईस्कर भूखंड सूचवावा असे म्हटले आहे. याबाबत अधिक माहिती घेतली असता ट्रक टर्मिनलचा मोक्याच्या ठिकाणचा हा भूखंड एका खाजगी पॉवर उद्योगाला परस्पर विकला असल्याची माहिती उजेडात आली.
विशेष म्हणजे महाड उत्पादक संघटनेलाही हा निर्णय घेण्यापूर्वी महामंडळाच्या अधिका:यांनी विश्वासात घेणो गरजेचे होते. मात्र तसे न करताच महामंडळाच्या वरिष्ठ अधिका:यांनी घेतलेल्या या निर्णयामुळे कारखानदारांची मोठी गैरसोय होणार असून ही अवजड व ज्वालाग्राही रसायनांची वाहने पर्ा्िक ग कुठे करायची ही गंभीर समस्या निर्माण झाली आहे.
महाड औद्योगिक वसाहतीमध्ये अनेक भूखंड उपलब्ध असताना ट्रक टर्मिनल म्हणून वापरात असलेला हाच मोक्याचा भूखंड त्या उद्योजकाला विकण्याची आवश्यकता नव्हती. औद्योगिक वसाहतीच्या स्थापनेपासून या महाड औद्योगिक परिसरात उपलब्ध असताना हाच भूखंड त्या उद्योजकाला विकण्याचा अट्टाहास वरिष्ठ अधिका:यांनी करण्यामागे मोठे रॅकेट असल्याचा संशय व्यक्त करण्यात येत आहे. ट्रक टर्मिनलसाठी सोईस्कर भूखंड सुचवण्याबाबतचे महामंडळाचे उत्पादक संघटनेला पत्रे देण्याऐवजी त्या पॉवर उद्योगालाच अन्य भूखंड उपलब्ध करून देण्याची कार्यवाही महामंडळाने करायला हवी होती, असे मत एका कारखानदाराने व्यक्त केले. (वार्ताहर)
ट्रक टर्मिनलचा भूखंड परस्पर खाजगी उद्योगाला विक्री करण्याचा महामंडळाचा निर्णय दुर्दैवी आहे. यामुळे कारखानदारांना आता नव्या समस्येला तोंड द्यावे लागणार आहे. हे ट्रक टर्मिनल हटवण्यास कारखानदाराचा विरोध आहे. ट्रक टर्मिनल खाली केल्यास संपूर्ण रस्त्यावर वाहने उभी करावी लागतील. - सुरेश भोसले, अध्यक्ष,महाड उत्पादक संघटना
ट्रक टर्मिनलचा हा भूखंड एका पॉवर उद्योगाला विक्री करण्याचा निर्णय हा वरिष्ठ पातळीवर झाला असून वरिष्ठ प्रादेशिक अधिका:यांच्या सूचनेनुसार आपण उत्पादक संघटनेला याबाबत पत्रनुसार कळवले आहे. नवीन ट्रक टर्मिनलसाठी अन्य सोईचा भूखंड सुचवण्यास उत्पादक संघटनेला कळवले आहे.
- एस. आर. पाटील, कार्यकारी अभियंता