(स्थळ : गावाबाहेरच्या शाळेत गुरुजी म्हणींचा वर्ग घेण्यात मग्न. खिडकीलगतच्या पारावर चार कार्यकर्ते पेपरातल्या राजकीय बातम्या जोरजोरात वाचण्यात दंग.. अशावेळी गुरुजी अन् कार्यकत्र्याच्या वेगवेगळ्या संवादाचं जुळलेलं हे भन्नाट कॉम्बिनेशन.)
आतून गुरुजी : मुलांनोùù, आज तुम्हाला काही म्हणी शिकवतो. घ्या लिहून.
बाहेर कार्यकर्ता : (मथळे वाचत) देशभरातल्या पोटनिवडणुकीत मोदी लाट भुईसपाट.
गुरुजी : बैल गेला अन् झोपा केला.
कार्यकर्ता : निकालानंतरची उत्स्फूर्त प्रतिक्रिया, ‘कहाँ गये वो अच्छे दिन?’
गुरुजी : नागोबा-म्हसोबा पैशाला दोन.. पंचमी झाल्यावर पुजतंय कोण ?
कार्यकर्ता : ‘मोदी लाटे’वर विश्वास ठेवून मोठमोठी स्वप्न पाहणारी राज्यातली नेतेमंडळी जमिनीवर.
गुरुजी : ऐन दिवाळीत दाढदुखी !
कार्यकर्ता : काँग्रेस-राष्ट्रवादीच्या जागा वाटपाचा तिढा अजूनही सुटेना.
गुरुजी : तुझं माझं जमेना.. तुङया वाचून करमेना.
कार्यकर्ता : पश्चिम महाराष्ट्रात म्हणो ‘आघाडी’त मैत्रीपूर्ण लढती होऊ देणार.
गुरुजी : रोग म्हशीला.. अन् इंजेक्शन पखालीला.
कार्यकर्ता : अजितदादांची परत घोषणा, ‘कोणत्याही परिस्थितीत एकशे चव्वेचाळीस जागा घेणारच.’
गुरुजी : उथळ पाण्याला खळखळाट फार.
कार्यकर्ता : शरद पवारांची मात्र सावध भूमिका, ‘दिल्लीत काँग्रेसच्या वरिष्ठांशी बोलूनच जागावाटपाचा अंतिम निर्णय घेऊ!’
गुरुजी : झाकली मूठ सव्वा लाखाची !
कार्यकर्ता : पितृपक्ष संपल्याशिवाय उमेदवार जाहीर होणार नसल्यानं इच्छुकांची घालमेल वाढली.
गुरुजी : करायला गेले नवस अन् आज निघाली अवस !
कार्यकर्ता : नेहमी खमंग टीका करणा:या राज ठाकरेंना नाशकात काँग्रेस-राष्ट्रवादीचा पाठिंबा.
गुरुजी : दुभत्या गायीच्या लाथा गोड !
कार्यकर्ता : ‘भावी मुख्यमंत्री कोण?’ यावरून भाजपा-शिवसेनेत शाब्दिक संघर्ष.
गुरुजी : बाजारात तुरी अन् 77 777 ला मारी!
कार्यकर्ता : ‘मनसे’चे संपूर्ण राज्यात उमेदवार.
गुरुजी : उडाले तर कावळे.. बुडाला तर बेडूक!
कार्यकर्ता : ‘महायुती’तल्या इतर घटक पक्षांनाही म्हणो भरपूर मंत्रिपदे पाहिजेत. आतापासूनच सत्तेची घाई.
(एवढय़ात गुरुजींना ठसका लागतो. मग मुलंच पुढची अस्सल गावरान म्हण सांगतात.)
वर्गातली मुलं : (एकसुरात) पायलीची सामसूम अन् चिपटय़ाची धामधूम !
- सचिन जवळकोटे