गोविंदा आला रे ! :

श्रावण वद्य अष्टमी श्रीकृष्णाचा जन्म दिवस. श्रीकृष्ण ही लाडकी देवता. त्यामुळे कृष्णाष्टमीचा हा उत्सव मोठ्या थाटामाटाने साजरा केला जातो. नागपुरातही विविध संघटनांच्या वतीने भव्य शोभायात्रा काढण्यात आली. यावेळी ढोल-ताशांचा गजर आणि चित्तथरारक देखाव्यांनी सर्वांचे लक्ष वेधले. यानिमित्ताने ठिकठिकाणच्या मंदिरात आरास करण्यात आली. रात्री १२ वाजता श्रीकृष्ण जन्म सोहळा झाला. आज सोमवारी दहीहंडीच्या निमित्ताने ‘गोविंदा आला रे’चा जल्लोष असेल.