अनिल गवई/ खामगाव (बुलडाणा) : घरगुती वापराच्या सिलिंडरमधून होणार्या गॅस गळतीसोबतच निष्काळजीपणामुळे झालेल्या स्फोटांच्या ६३ घटनांमध्ये गेल्या तीन वर्षांमध्ये तब्बल २१ जणांना प्राणास मुकावे लागले आहे. तसेच या घटनांमध्ये १२८ जण गंभीर जखमी होऊन, त्यांना कायमस्वरूपी अपंगत्व आल्याचेही धक्कादायक वास्तव समोर आले आहे. पेट्रोलियम व नैसर्गिक वायू मंत्रालयाच्या अहवालानुसार राज्यात गेल्या तीन वर्षांत गॅस गळती आणि स्फोटांच्या घटना वाढल्याचे चित्र दिसत आहे. सन २0१२-१३ या आर्थिक वर्षांमध्ये अशा प्रकारच्या केवळ सहा घटना घडल्या होत्या. २0१३-१४ मध्ये १२ आणि २0१४-१५ या आर्थिक वर्षांच्या पहिल्या सहामाहीत १५ घटना घडल्या आहेत.
*गॅस वितरक कंपन्यांची चालढकल
घरगुती आणि व्यावसायिक वापराच्या एलपीजी सिलिंडर्सची सक्तीने तपासणी करण्याचे निर्देश शासनाने गॅस वितरक कंपन्यांना दिले आहेत; मात्र या कंपन्यांकडून सुरक्षेच्या दृष्टीकोनातून कोणतीही उपाययोजना केली जात नसल्याचे दिसून येते. ग्राहक जागृती मेळाव्यांनाही केराची टोपली दाखविण्यात येत असल्याचे चित्र आहे.
वर्ष घटना मृत्यू जखमी
२0१२-१३ 0६ 00 १३
२0१३-१४ १२ १२ ४५
२0१४-१५ १५ 0९ ७0