शेती नाही पण शेतक-यांचे अश्रू कळतात - उद्धव ठाकरे

मला शेती कळत नसली तरी शेतक-यांचे अश्रू कळतात असे सांगत शेतक-यांच्या मुलींचे लग्न शिवसेनेकडून लावले जाईल अशी घोषणा शिवसेना पक्षप्रमुख उद्धव ठाकरे यांनी केली आहे.

ऑनलाइन लोकमत

बीड, दि. ११ - मला शेती कळत नसली तरी शेतक-यांचे अश्रू कळतात असे सांगत शेतक-यांच्या मुलींचे लग्न शिवसेनेकडून लावले जाईल अशी घोषणा शिवसेना पक्षप्रमुख उद्धव ठाकरे यांनी केली आहे.

रविवारी  उद्धव ठाकरे हे दुष्काळग्रस्त शेतक-यांच्या मदतीसाठी बीडमध्ये आले होते. शेतक-यांना संबोधित करताना उद्धव ठाकरे म्हणाले, मी शेतक-यांना उपदेश देण्यासाठी नव्हे तर त्यांना मदत करण्यासाठी आलो आहे. आमची बांधिलकी सत्तेशी नसून शेतक-यांशी आहे असेही त्यांनी सांगितले.