ऑनलाइन लोकमत
उस्मानाबाद, दि. १९ - राज्यभरातील खड्ड्यांची समस्या दिवसेंदिवस वाढतच असून याच खड्ड्यांमुळे एका महिलेला आपले बाळ गमवावे लागल्याची अतिशय दु:खद व धक्कादायक घटना घडली आहे. उस्मानाबादमधील कळंब तालुक्यातल्या बोरवंटी ते मंगरुळ पाटी दरम्यानच्या रस्त्यावरील खड्ड्यांमुळे महिलेच्या गर्भातच तिचे बाळ दगावले, असा आरोप अर्भक तिच्या कुटुंबीयांनी केला आहे.
दरम्यान या महिलेची प्रकृती गंभीर असून सध्या तिच्यावर अंबाजोगाई रुग्णालयात उपचार सुरु असल्याचे समजते. रस्त्यांवरील खड्ड्यांमुळेच आपल्या बाळाला गमवावे लागले, असं महिलेच्या कुटुंबीयांच म्हणणं आहे.