महाडजवळ टँकर उलटल्याने केमिकलची गळती

मुंबई-गोवा महामार्गावर महाडजवळील दासगाव येथे टँकर उलटून केमिकल गळती झाली होती. यात कोणतीही जीवितहानी झालेली नाही.

ऑनलाइन लोकमत

रायगड, दि. 28 - मुंबई-गोवा महामार्गावर महाडजवळील दासगाव येथे टँकर उलटून केमिकल गळती झाली होती. बुधवारी सकाळी 8 वाजण्याच्या सुमारास हा अपघात घडला. या अपघातात चालक, क्लिनरसह एक ग्रामस्थ जखमी झाला होता. दरम्यान, यात कोणतीही जीविताहानी झालेली नाही.  केमिकलची गळती होऊ लागल्याने ग्रामस्थांमध्ये भीतीचे वातावरण निर्माण झाले होते. शिवाय महामार्गावरील वाहतूक काही काळासाठी ठप्पदेखील झाली होती.