ऑनलाइन लोकमत
मुंबई, दि. 25 - मध्य रेल्वे विस्कळीत होण्याच्या घटना सातत्याने घडत असून त्याचा प्रत्यय बुधवारीही दिसून आला. बुधवारी रात्री सव्वा आठच्या सुमारास मध्य रेल्वेच्या मेन लाईनवर सलग दोन तांत्रिक बिघाडांनी लोकल सेवेचा चांगलाच बोजवारा उडाला आणि रात्री घरी परतणाºया प्रवाशांचे प्रचंड हाल झाले. विक्रोळी स्थानकाजवळ सहाही मार्गांवर सिग्नल यंत्रणेत आणि तत्पूर्वी सायन स्थानकाजवळ ओव्हरहेड वायरमध्ये तसेच लोकलच्या पेन्टाग्राफमध्ये बिघाड झाला होता. त्यामुळे लोकलचा वेग अक्षरश: मंदावला आणि प्रवाशांना ऐन रात्रीच्या वेळी रुळावरुन प्रवास करणे पर्याय उरला नव्हता. बुधवारी रात्री मुंबईत पावसाच्या तुरळक सरी पडल्याने त्याचाच फटका बसल्याचे सांगितले जाते. रात्री ८.0६ च्या सुमारास सायन स्थानकाजवळील चारही मार्गांवरील ओव्हरहेड वायरमध्ये बिघाड झाला आणि एकच खोळंबा उडाला. त्यामुळे सीएसटीकडे जाणाºया आणि सीएसटीहून सुटणाºया लोकल जागीच थांबल्या. याचबरोबरच प्लॅटफॉर्म क्रमांक एकवर असलेल्या एका लोकलच्या पेन्टाग्राफमध्येही तांत्रिक समस्या उद्भवली आणि त्यात आणखी भर पडली. हे दोन्ही बिघाड दुरुस्त होण्यास रात्रीचे ८.४0 वाजले. सायन स्थानकाजवळ झालेल्या बिघाडापाठोपाठ विक्रोळी स्थानकाजवळ रात्री सव्वा आठच्या सुमारास सिग्नल यंत्रणेत बिघाड झाला. हा बिघाड सहा मार्गांवर झाल्याने मध्य रेल्वेचा आणखी बोºयाच वाजण्यास सुरुवात झाली. त्यामुळे लोकल एकामागोमाग जागीच थांबल्या. मेल-एक्सप्रेस गाड्या हळूहळू सुरु करण्यात आल्यानंतर लोकलच्या अन्य चारही मार्गांवरील लोकल सेवा ठप्पच झाली होती. जवळपास एक तासांपेक्षा जास्त वेळ होऊनही लोकल पुढे सरकत नसल्याने प्रवाशांनी रुळावरुन पायपीट करणेच पसंत केले. काही स्थानकांवर तांत्रिक बिघाडाची माहीती देत असल्याने आणि लोकल तासनतास पुढे सरकत नसल्याचे पाहताच स्थानकाबाहेरील टॅक्सी, रिक्षांचा पर्याय अनेक प्रवाशांकडून निवडण्यात येत होता. मस्जिद ते दादर स्थानकापर्यंत एकही लोकल येत नसल्याने या स्थानकांवर तर प्रचंड गर्दी झाली होती. रात्री उशिरापर्यंत हीच परिस्थीती सर्व स्थानकांवर होती. विक्रोळी येथील सिग्नल यंत्रणा दुरुस्त करण्याचे काम उशिरापर्यंत सुरु होता. या घटनेमुळे मात्र कामावरुन घरी परतणाºयांचे मात्र हाल झाले.
.....................................
ऐरोली स्थानकाजवळ रात्री ८.४0 च्या सुमारास एका लोकलमध्ये तांत्रिक बिघाड झाला. हा बिघाड काही वेळातच दुरुस्त करण्यात आला. मात्र या घटनेमुळे हार्बरचा चांगलाच बोºया वाजला होता.