समाजकल्याणच्या प्रमाणपत्रांवर आता बाबासाहेबांची छबी

भारतरत्न डॉ. बाबासाहेब आंबेडकर यांच्या योगदानातून प्रेरणा घेण्यासाठी यंदाचे जयंती वर्ष (१४ एप्रिल २०१५ ते १४ एप्रिल २०१६) ‘समता व सामाजिक न्याय वर्ष’ म्हणून साजरे करण्यात येत आहे.

- हणमंत गायकवाड,  लातूरभारतरत्न डॉ. बाबासाहेब आंबेडकर यांच्या योगदानातून प्रेरणा घेण्यासाठी यंदाचे जयंती वर्ष (१४ एप्रिल २०१५ ते १४ एप्रिल २०१६) ‘समता व सामाजिक न्याय वर्ष’ म्हणून साजरे करण्यात येत आहे. त्यानिमित्त आकर्षक छबी तयार करण्यात आली आहे. समाजकल्याण विभागाची सर्व कागदपत्रे व प्रमाणपत्रांवर १ नोव्हेंबरपासून बाबासाहेबांची ही छबी अनिवार्य करण्यात आली आहे.१ नोव्हेंबरपासून सामाजिक न्याय विभागाच्या सर्व कागदपत्रांवर ‘समता व सामाजिक न्याय वर्ष’ असा मजकूर व बाबासाहेबांचे छायाचित्र असलेली छबी लावण्यात येणार आहे. त्यावर ‘१२५ वी जयंती’ असा उल्लेख करण्यात आला आहे. लातूर विभागाने सरकारच्या निर्णयाची अंमलबजावणी केली असून, कार्यालयामार्फत निर्गमित होणाऱ्या सर्व कागदपत्रे व प्रमाणपत्रांवर ही छबी प्रसिद्ध केली आहे. अर्थशास्त्र, मानववंशशास्त्र, राष्ट्रीय सुरक्षा, विदेशनीती, महिला सक्षमीकरण याबाबतचे त्यांचे विचार परिसंवाद, चर्चासत्र, कार्यशाळा व प्रदर्शन भरवून समाजासमोर आणले जाणार आहेत, अशी माहिती समाजकल्याणचे सहायक आयुक्त संजय दाणे यांनी दिली.