ऑनलाइन लोकमत -
अहमदनगर, दि. 28 - बाबासाहेब पुरंदरे यांना मोठे करण्यात शिवसेना - भाजपाचे मोठे पाठबळ आहे. बाबासाहेब पुरंदरे हे आरएसएसचे पिल्लू असल्याची टीका काँग्रेसचे आमदार नितेश राणे यांनी नगर येथे केली.
पुरंदरे यांनी छत्रपती शिवाजी महाराजांबद्दल नेमकं लिहिलं काय ? केलं काय ? हे तपासा. छत्रपती शिवाजी महाराजांच्या नावे पुस्तके छापून, ती विकून यांनी घरं चालविली. अशा पुरंदरेंना महाराष्ट्र भूषण पुरस्कार दिल्याबद्दल टीका करतानाच राणे यांनी याबद्दल मराठा पेटून उठत नाही, अशी खंत व्यक्त केली.
विनोद तावडे हे मराठा असल्याची लाज वाटते. राज्यातील सेना-भाजप सरकार आरक्षण देणार नाही. आरक्षणासाठी जट पेटले, असा मराठा पेटत नाही, असे सांगत त्यांनी तरूणांना मैदान मारण्यासाठी पुढे येण्याचे आवाहन केले.