राज्यात पावसाचे ११ बळी!

मुसळधार पावसाने मंगळवारी मध्य महाराष्टÑासह नाशिकला झोडपून काढले़ सोलापूर आणि सातारा जिल्ह्णात प्रत्येकी तिघांचा, नाशिक, पुणे जिल्ह्णात दोघांचा आणि कोल्हापूर जिल्ह्णात एकाचा वीज कोसळून मृत्यू झाला़

मुंबई : वादळी वार्‍यासह झालेल्या मुसळधार पावसाने मंगळवारी मध्य महाराष्ट्रासह नाशिकला झोडपून काढले़ सोलापूर आणि सातारा जिल्ह्णात प्रत्येकी तिघांचा, नाशिक, पुणे जिल्ह्णात दोघांचा आणि कोल्हापूर जिल्ह्णात एकाचा वीज कोसळून मृत्यू झाला़ अनेक घरांवरील पत्रे उडून गेली, तर शेकडो वृक्षे उन्मळून पडली़ काही ठिकाणी वीज पुरवठा खंडित झाला होता़ सातारासह कºहाड, फलटण, कोरेगाव, खंडाळा, वाई, महाबळेश्वर तालुक्याला मंगळवारी सायंकाळी चारच्या सुमारास मुसळधार पावसाने झोडपून काढले. खंडाळा तालुक्यातील धावडवाडीत वीज पडल्याने निखिल चंद्रकांत शिंदे (२२) व द्वारकाबाई तुकाराम बिचुकले (५५) व कलेढोण येथे मच्छिंद्र किसन शिरतोडे (५२) या मेंढपाळाचा मृत्यू झाला. सांगली जिल्ह्णाला मंगळवारी दुपारी दोनच्या सुमारास वादळी पावसाने झोडपले. वार्‍यामुळे विजेचे खांब, झाडे उन्मळून पडली, अनेकांच्या घरांचे पत्रे उडून गेल्याने मोठ्या प्रमाणात नुकसान झाले. कवठेमहांकाळ तालुक्यातील ढालगाव येथील बिरोबाच्या डोंगरावर वीज कोसळल्याने दहाजण जखमी झाले. त्र्यंबकेश्वर येथे श्री गोरक्षनाथ मठातील मंदिराचे काम चालू असताना मंगळवारी दुपारी वीज कोसळून सेवाराम राजपूत (४०), जगन्नाथ शिंदे (४०) हे जागीच ठार झाले. शिंदे यांची पत्नी अंजनाबाई शिंदे (३५) गंभीर जखमी झाली असून, तिला जिल्हा रुग्णालयात दाखल करण्यात आले आहे. सोलापूरच्या सांगोला तालुक्यातील सावंतवस्तीवर वीज पडून इंदूबाई बंडू सावंत (४५) व सुभद्राबाई सुखदेव सावंत (५२) या चुलत सासू-सुना आणि मंगळवेढाच्या भालेवाडी येथील कमलाबाई म्हाळप्पा पडवळे (५०) हिचा अंगावर सिमेंटची चौकट पडल्याने मृत्यू झाला़ पुणे जिल्ह्णात मंगळवारी मुसळधार पाऊस झाला़ इंदापूर तालुक्यात शेतकरी तुकाराम शिवा कचरे यांचा, तर शिरुर तालुक्यात प्रमिला नरहरी गायकवाड यांचा वीज पडून मृत्यू झाला़ कोल्हापूरच्या कागल तालुक्यातील करंजिवणे गावातील वर्षा आनंदा पोवार (१९) हिचा शेतामध्ये भात टोकणताना अंगावर वीज पडून जागीच मृत्यू झाला. (लोकमत न्यूज नेटवर्क)ू१