...
अंधोरी येथे गणपती मुळके यांचा सत्कार
अहमदपूर : तालुक्यातील अंधोरी येथील प्राथमिक आरोग्य केंद्रातील आरोग्य सहायक गणपती मुळके हे सेवानिवृत्त झाल्याने त्यांचा सपत्नीक सत्कार करून निरोप देण्यात आला. यावेळी वैद्यकीय अधिकारी डॉ. बाळासाहेब बयास, डॉ. बालाजी गुद्दे, किनगाव येथील आरोग्य सहायक एन.बी. फड, पी.व्ही. दराडे यांची उपस्थिती होती.
...
सेवानिवृत्त ज्ञानोबा गोटके यांचा सत्कार
औसा : तालुक्यातील मनोहर तांडा येथील प्रतिभानिकेतन माध्यमिक आश्रमशाळेतील सहशिक्षक ज्ञानोबा गोटके हे सेवानिवृत्त झाले आहेत. त्याबद्दल त्यांचा शाळेच्या वतीने सपत्नीक सत्कार करून निरोप देण्यात आला. यावेळी संस्थेचे अध्यक्ष रामदास चव्हाण, जिल्हा परिषद सदस्य शालिनी चव्हाण, सचिव प्रदीप चव्हाण, ए.एम. देडे, अनंत चव्हाण, विकास चव्हाण, मुख्याध्यापक ए.बी. सगर, लिंबाळकर, मुख्याध्यापक सी.जी. राठोड, शिंदे, मुस्कावाड, जोशी, प्रशांत राठोड, एस.एम. वैरागकर, व्ही.डी. कांबळे आदी उपस्थित होते.
...
प्रदेशाध्यक्षपदी जान्हवी पिटले यांची निवड
निलंगा : महर्षी वाल्मीकी संघ संघटनेच्या महाराष्ट्र प्रदेशाध्यक्षपदी लांबोटा येथील जान्हवी पिटले यांची निवड संस्थापक अध्यक्ष गणेश अंकुशराव यांनी करून नियुक्तीपत्र दिले, तसेच त्यांचा सत्कार केला. यावेळी श्यामभाऊ बोरूळवाड, परमेश्वर पाटील, तातेराव भंडारे, महिला आघाडीच्या जिल्हाध्यक्षा बेबीताई विंचुरे, शिवमाला गिनेवाड, रत्नाताई जाधव आदींची उपस्थिती हाेती.
...
सावित्रीबाई फुले यांची जयंती उत्साहात साजरी
जळकोट : तालुक्यातील जगळपूर येथील जिल्हा परिषद प्राथमिक शाळेत क्रांतिज्योती सावित्रीबाई फुले यांची जयंती साजरी करण्यात आली. यावेळी मुख्याध्यापक वैजनाथ मुंढकर, राष्ट्रवादी काँग्रेसचे तालुका सचिव आकाश वाघमारे, उपसरपंच श्याम लोहकरे, दत्ता हेरकर, रामचंद्र मुळे, प्रदीप गुळवे, राजेश्वर डोंगरे, देशमुख, मुळे आदी उपस्थित होते.