किरकोळ कारणावरून मारहाण, तिघांविरुद्ध गुन्हा
लातूर - संगनमत करून किरकोळ कारणावरून फिर्यादी तसेच त्यांच्या पत्नी व मुलीला शिवीगाळ करून लाथा-बुक्क्यांनी मारहाण केली. बोटावर बुक्कीने मारून जखमी केल्याची घटना उदगीर येथे घडली. याबाबत शिवाजी संभाजी शिवपुजे (रा. आनंदनगर, उदगीर) यांनी दिलेल्या फिर्यादीवरून विठ्ठल तुकाराम फुलारी व अन्य तिघांविरुद्ध (सर्व रा. खरोळा, ता. रेणापूर) उदगीर शहर पोलिसांत गुन्हा नोंद करण्यात आला आहे. तपास पोहेकॉ. पुट्टेवाड करीत आहेत.
पिकात जनावरे सोडल्यावरून मारहाण
लातूर - खानापूर तांडा येथील शिवारात फिर्यादीच्या शेतात जनावरे सोडून दिले. याबाबत विचारणा केली असता त्यांना लाथाबुक्क्याने, दगडाने व काठीने मारून दुखापत केल्याची घटना घडली. याबाबत इफ्तेयार उस्मान काझी (रा. औसा) यांनी दिलेल्या फिर्यादीवरून अभय सुभाष राठोड व अन्य तिघांविरुद्ध (सर्व रा. औसा तांडा) औसा पोलिसांत गुन्हा नोंद करण्यात आला. तपास पोना. गिरी करीत आहेत.
उसने पैसे घेतल्याच्या कारणावरून मारहाण
लातूर- उसने घेतलेले पैसे का देत नाही म्हणून, लाथाबुक्क्याने मारून जीवे मारण्याची धमकी दिल्याची घटना सिद्धेश्वर चौक लातूर येथे घडली. याबाबत शेख मोहंमद कैफ वहिद (रा.बोळे गल्ली, लातूर) यांनी दिलेल्या फिर्यादीवरून रवी ड्रायव्हर (पूर्ण नाव माहीत नाही) याच्याविरुद्ध गांधी चौक पोलीस ठाण्यात गुन्हा नोंद करण्यात आला आहे. तपास पोउपनि. कव्हाळे करीत आहेत.
दुचाकीला पीकअपची धडक, दोघे जखमी
लातूर - शेळगी व ताडमुगळी रस्त्यावर पाठीमागून भरधाव वेगात आलेल्या केए ५६-४७२२ या क्रमांकाच्या वाहनचालकाने फिर्यादी महेबूब पाशा पटेल यांच्या एमएच १२ एफटी १२८१ या क्रमांकाच्या दुचाकीला धडक दिली. यात फिर्यादी तसेच फिर्यादीचा मुलगा जखमी झाला. याबाबत महेबूब पटेल यांनी दिलेल्या फिर्यादीवरून केए ५६-४७२२ या क्रमांकाच्या पीकअप चालकाविरुद्ध गुन्हा नोंद करण्यात आला आहे.