यावेळी गावचे सुपुत्र सहायक वन संरक्षक राजकुमार पटवारी हे मेळघाट व्याघ्र प्रकल्प चिखलदरा येथून, शिवकांत बिरादार हे मुख्याध्यापक पदावरून तर शिवशंकर कोरे हे आयटीआय उस्मानाबाद येथून सेवानिवृत्त झाले. यानिमित्त गावच्या सुपुत्रांचा ग्रामस्थांच्यावतीने सत्कार करण्यात आला. यावेळी जि. प. अध्यक्ष राहुल केंद्रे म्हणाले की, सेवानिवृत्तीनंतर अनेक सत्कार, निरोप समारंभ पार पडतात; परंतु गावकऱ्यांच्यावतीने गौरव सोहळा प्रथमच पार पडत आहेे. बसवराज पाटील म्हणाले की, सेवा निवृत्तीनंतर गावचे हे सुपुत्र गंगापूर गावचा विकास करण्यासाठी प्रयत्न करतील. सेवानिवृत्त वनाधिकारी राजकुमार पटवारी यांनी आपल्या सेवेतील अनुभवाचा फायदा घेऊन गंगापूर गाव व परिसरात वृक्षारोपण व संवर्धन चळवळ पुढे नेण्यासाठी काम करावे, असेही ते म्हणाले. यावेळी जि.प. माजी उपाध्यक्ष रामचंद्र तिरुके, काँग्रेसचे तालुका अध्यक्ष कल्याण पाटील, जि.प. सदस्या उषाताई रोडगे, सभापती शिवाजीराव मुळे, सुधाकर बिरादार यांनी मनाेगत व्यक्त केले.
यशस्वीतेसाठी सरपंच जयश्री नागभूषण कोरे, उपसरपंच गणेश बिरादार, माजी उपसरपंच सुधाकर बिरादार, राजकुमार बिरादार आदींसह ग्रामस्थांनी परिश्रम घेतले. सूत्रसंचालन कपिल बिरादार यांनी तर आभार राजकुमार गुरुजी यांनी मानले.