हत्तीबेटाचे उर्वरित क्षेत्र सह्याद्री-देवराईच्यावतीने विकसित करणार

हत्तीबेट पर्यटन स्थळाच्या डोंगरावर पर्यावरण राज्यमंत्री संजय बनसोडे व सिनेअभिनेते सयाजीराव शिंदे यांच्या हस्ते फुलपाखरू उद्यानाचा शुभारंभ करण्यात आला. याप्रसंगी आयोजित कार्यक्रमात शिंदे यांनी हत्तीबेटाचे उर्वरित क्षेत्र सह्याद्री-देवराईच्यावतीने विकसित करण्याची घोषणा केली. हत्तीबेट पर्यटनाचा विकास आराखडा व त्यासाठी लागणारा आवश्यक निधी लवकरच मंजूर करून देण्याची ग्वाही राज्यमंत्री संजय बनसोडे यांनी यावेळी दिली. प्रारंभी पर्यावरण राज्यमंत्री संजय बनसोडे व सिनेअभिनेते सयाजीराव शिंदे यांच्या हस्ते हत्तीबेटावर वृक्षारोपण करण्यात आले. या ठिकाणी करण्यात येत असलेल्या फुलपाखरू उद्यान कामाचा शुभारंभही बनसोडे व शिंदे यांच्या हस्ते करण्यात आला. कार्यक्रमास राष्ट्रवादीचे प्रदेश सरचिटणीस बसवराज पाटील नागराळकर, वृक्षमित्र रमेश अंबरखाने, सभापती शिवाजी मुळे, उपविभागीय अधिकारी प्रवीण मेंगशेट्टी, तहसीलदार रामेश्वर गोरे, गटविकास अधिकारी महेश सुळे, ज्ञानेश्वर पाटील, नाम फाऊंडेशनचे विलास चामे, सह्याद्री-देवराईचे जिल्हा समन्वयक सुपर्ण जगताप, डॉ. बी.आर. पाटील, अमृत सोनवणे, ॲड. सुपोषपाणी आर्य, सौदागर कदम, युवराज धोतरे, चेअरमन सूर्यकांत रोडगे, जि.प.चे माजी सदस्य चंद्रप्रकाश खटके, अभिजित साकोळकर, सतीश खरात, भालेराव जाधव, लक्ष्मण बतले, गजानन बिरादार, लातूर विभागाच्या सहायक वन संरक्षक व्ही.बी. तांबे, वन परिक्षेत्र अधिकारी शिल्पा गीते, वन परिमंडळ अधिकारी गोविंद माळी, तुकाराम वंजे, गंगाधर काळे, वनरक्षक श्रीकृष्ण मामडगे, सुभाष वटपलवार, वन कर्मचारी विठ्ठल सूर्यवंशी, देवीदास डोंबाळे यांची उपस्थिती होती. प्रारंभी व्ही. एस. कुलकर्णी व गंगा महाराज यांनी प्रमुख अतिथींचा शाल, श्रीफळ देऊन सत्कार केला.