या श्वानांना आवरा...
लातूर शहरातील रस्त्यांवर, चाैकाचाैकात माेकाट श्वानांच्या झुंडीच्या झुंडी फिरतात. रात्री शहरातून प्रवास करताना या झुंडी वाहनांचा, नागरिकांचा पाठलाग करतात. यावेळी भेदरलेले नागरिक, वाहनधारकांचे अपघात हाेत आहेत. आता या माेकाट श्वानांना आवरण्याची मागणी हाेत आहे.
कुत्र्यांच्या नसबंदीसाठी नियाेजनाचा अभाव...
माेकाटपणे रस्त्यावर, चाैकाचाैकात वावरणाऱ्या श्वानांची नसबंदी करण्यासाठी प्रशासन, मनपाकडे नियाेजनाचा अभाव असल्याचे दिसून येते. फारशी नसबंदी हाेत नसल्यानेच या झुंडी सध्याला लातूर शहरात पहायला मिळत आहेत. आता प्रशासन, मनपाने पुढाकार घेत या माेकाट श्वानांचा बंदाेबस्त करावा, अशी मागणी आहे.
आम्हाला चाेराची नाही, श्वानांची भीती वाटते...
आम्हाला चाेरांची भीती वाटत नाही; तर माेकाट फिरणाऱ्या श्वानांची वाटत आहे. काेणत्या गल्लीतून श्वान येईल आणि चावा घेईल, हे सांगणे कठीण आहे.
-संजय जाधव
माेकाट श्वान, गाढव, डुकरे आणि पशुधनांचा शहरातील रस्त्यावर, चाैकाचाैकात ठिय्या असताे. याकडे संबंधित मनपाचे दुर्लक्ष हाेत असल्याचे दिसून येत आहे.
- गणपतराव गायकवाड
मी रात्रपाळीला कामावर जाताे. त्यासाठी रात्री उशिरा घराकडे मला जावे लागते. अशावेळी मला रस्त्यावरील माेकाट श्वानांचा त्रास हाेताे, त्यामुळे रस्ता बदलून जावे लागत आहे.
- संजय लातूरकर
लातूर शहरातील या चाैकामध्ये जरा सांभाळून...
लातुरातील चाैकाचाैकासह प्रमुख आणि अंतर्गत रस्त्यांचा ताबाच माेकाट श्वानांच्या झुंडीने घेतला आहे. विशेषत: उद्याेग भवन, सूतमिल राेड, नांदेड राेड, बार्शी राेड, समांतर रस्ता, औसा राेड, कव्हा नाका, गूळ मार्केट, बसस्थानक परिसर, फळबाजार, शाहू चाैकात माेठ्या प्रमाणावर माेकाट श्वानांचा वावर आहे. या मार्गावरून जाताना स्वत:ला जांभाळून जाण्याची गरज आहे.