पोलिसांनी सांगितले, शहरातील महाराष्ट्र फार्मसी कॉलेजचे प्राचार्य सिद्धेश्वर पाटील हे शुक्रवारी सकाळी ११.४५ वा.च्या सुमारास येथील स्टेट बँक ऑफ इंडियाच्या शाखेतून पत्नीच्या नावे असलेले तीन लाख रुपये काढले. त्यातील ५० हजार स्वतःच्या खिशात ठेवले तर उर्वरित अडीच लाख रुपये, पासबुक, चेकबुक हे एका पिशवीत गुंडाळून कारच्या सीटमागे ठेवले. त्यानंतर ते कॉलेजमध्ये येऊन कार पार्किंगमध्ये उभी केली.
महाविद्यालयीन कामकाज आटोपून दुपारी १.३० वा.च्या सुमारास गाडीजवळ आले असता अज्ञात चोरट्यांनी कारच्या काचा फोडून आतील अडीच लाख, चेकबुक, पासबुकाची पिशवी पळविल्याचे निदर्शनास आले. त्यांनी पोलिसांत फिर्याद दिली. पोलीस उपअधीक्षक डॉ. दिनेश कोल्हे व पोलीस निरीक्षक अनिल चोरमले यांनी घटनास्थळी भेट देऊन पंचनामा केला आणि अज्ञात चोरट्याविरुद्ध गुन्हा दाखल केला.
दोन पथके नियुक्त...
चोरट्यांचा शोध लावण्यासाठी दोन पथके नियुक्त करण्यात आली आहेत. ही पथके तपासासाठी रवाना झाली आहेत, असे पोलीस निरीक्षक अनिल चोरमले यांनी सांगितले.