उदयगिरीत एनसीसी प्रशिक्षण शिबिराची सांगता

अध्यक्षस्थानी प्रभारी प्राचार्य डॉ. राजकुमार मस्के होते. यावेळी कॅप्टन डॉ. अनिता शिंदे, सुभेदार वीरेंद्र सिंग, हवालदार ललित सिंग, हवालदार राकेश कुमार, लेफ्टनंट प्रा. डॉ. राम साबदे, लेफ्टनंट प्रा. वसंत पवार, प्रा. प्रशांत माने यांची उपस्थिती होती. बी आणि सी प्रमाणपत्र परीक्षांसाठी या प्रशिक्षण काळात व्यवस्थित तयारी करून घेण्यात आली आहे. छात्रसैनिकांनी शिकलेल्या गोष्टींचा व्यवस्थित सराव केल्यास परीक्षेमध्ये यश मिळून या परीक्षांचा फायदा सैन्यामध्ये भरती होण्यासाठी निश्चित होईल, असे मत वीरेंद्रकुमार यांनी व्यक्त केले. छात्रसैनिकांनी शक्ती व युक्तीचा समन्वय घडवून आपल्या जीवनात मार्गाक्रमण करावे, असे आवाहन डॉ. आर. के. मस्के यांनी केले. प्रा. डॉ. राम साबदे यांनी प्रास्ताविक केले. प्रा. प्रवीण जाहुरे यांनी सूत्रसंचालन केले. कॅप्टन प्रा. डॉ. अनिता शिंदे यांनी आभार मानले.