प्रतिकारशक्ती कमी...
श्वसनसंस्थेशी निगडित असलेल्या अस्थमा आजारामुळे रुग्णांची प्रतिकारशक्ती कमी हाेत आहे. परिणामी, अशा रुग्णांना इतर विषाणूंचा धाेका निर्माण हाेताे. या रुग्णांनी खबरदारी म्हणून आराेग्याची अधिक काळजी घेण्याची गरज आहे. सर्दी हाेणार नाही, यासाठी गरम, उबदार कपड्यांचा वापर करण्याची गरज आहे.
बालकालाही अस्थमाचा त्रास...
अस्थमाने केवळ वयाेवृद्धांना त्रास हाेत नाही, तर युवक आणि लहान बालकांनाही अस्थमाचा त्रास सहन करावा लागत आहे. मुलांमध्ये अस्थमाचे प्रमाण फारसे नसले तरी, अनुवंशिकता आणि अलर्जीमुळे बालकांना अस्थमाचा त्रास जाणवायला लागला आहे.
अशी घ्यावी काळजी...
डाॅक्टरांनी दिलेले नियमित वापराचे औषध कुठल्याही परिस्थितीत बंद करू नका. औषध वेळेवर घेणे हा महत्त्वाचा उपाय आहे. अलर्जी असणाऱ्या वस्तूंशी संपर्क टाळा. अनेकदा दम्याबराेबर अलर्जी सर्दीसुद्धा साेबत असते. नाकातील स्टेराॅइड स्प्रे डाॅक्टरांच्या सल्ल्यानुसार सुरू करावा. ढगाळ वातावरणात जुन्या अस्थमाच्या रुग्णांना त्रास हाेताे. परिणामी, रुग्णांनी उपचारात कुठलाही खंड पडू देऊ नये, असेही डाॅक्टरांनी सांगितले.
आबालवृद्धांची अधिक काळजी घ्या...
सध्या बदललेल्या वातावरणाचा सर्वांनाच त्रास हाेत आहे. अशा स्थितीत अस्थमाच्या रुग्णांनी पहाटेच्या काळात उठू नये, फिरायचे असेल तर सकाळी आठनंतर फिरावे. पहाटेच्या थंडीत श्वसनाचे आजार अधिक उद्भतात. यासाठी पहाटेच्या वेळी गरम, उबदार कपड्यांचा वापर केला पाहिजे. शिवाय, नियमित औषधाेपचार घेतले पाहिजेत. अस्थमाचा त्रास हाेत असेल तर डाॅक्टरांचा सल्ला घ्यावा, आजी-आजाेबा, लहान बालकांची अधिक काळजी घ्यावी.
- डाॅ. विश्रांत भारती, लातूर