अशी हाेऊ शकते फसवणूक...
१ साेशल मीडियात जाेडीदार शाेधताना सावधानता बाळगण्याची गरज आहे. समाेरचा व्यक्ती काेण आहे. त्याच्याशी आपली ओळख झाली तरी, पावले टाकताना सावधपणे टाका. कारण तुम्हाला सांगितलेली प्रत्येक गाेष्ट खरीच असते असे नाही. यासाठी प्रत्येक बाबींची खातरजमा करून घ्या. काही संशय आल्यास संबंधित पाेलीस ठाण्यांशी संपर्क साधवा.
२ फेसबुक, व्हाॅटस् ॲप आणि इतर माध्यमातून झालेली ओळख आणि त्यातून प्रेमात झालेले रूपांतर हे अनेकदा फसवे असते. समोरचा व्यक्ती हा एखाद्या मुलीच्या नावाने बनावट अकाैंट तयार करून समाेरच्या व्यक्तीला जाळ्यात ओढताे आणि त्यातून लाखाे रुपयांना फसवणूक हाेते. हे टाळण्यासाठी प्रत्येक गाेष्टींची खातरजमा केलीच पाहिजे.
फसवणूक टाळण्यासाठी दक्षता बाळगा...
वयात आलेली तरुण मुले-मुली आपल्या आयुष्याची स्वप्ने रंगवत असतात. त्याच भावनेला हात घालून काेणीतरी आपल्याशी साेशल मीडियावर संपर्क करताे. मग त्यातून चॅटिंगचा प्रकार वाढताे. रात्र-रात्र चॅटिंग आणि एकमेकांशी भावना शेअर केली जाते. त्यातून ते एकमेकांमध्ये गुंतून जातात. याचाच फसवणूक करणारा बनावट अकाैंट तयार करून फायदा घेताे. अशावेळी नेटकऱ्यांनी अतिशय जबाबदारीने साेशल मीडिया हाताळला पाहिजे. काेसाेदूर असलेला महाठग आपल्या बँक खात्यावर डल्ला मारण्याचा प्रयत्न करताे. हे टाळण्यासाठी सतत जागरूकता बाळगली पाहिजे.
- निखिल पिंगळे, पाेलीस अधीक्षक, लातूर
सध्याला ऑनलाईन जाेडीदार शाेधण्याला प्राधान्य दिले जाते आहे. व्हाॅटसॲप ग्रुपवर आलेल्या बायाेडाटावरून मुला-मुलींचे स्थळ शाेधले जात आहेत. हे करत असताना प्रत्येक मुला-मुलींनी आणि त्यांच्या माता-पित्यांनी अधिक काळजी घेण्याची गरज आहे.
साेशल मीडियातून जाेडीदाराचा शाेध घेताना अनेकदा समाेरून दिसणारे व्यक्तिमत्त्व फसवे असते. मिळालेली माहितीही खाेटी असण्याची शक्यता नाकारता येत नाही. यासाठी प्रत्येक गाेष्टींची खातरजमा केलीच पाहिजे.
जाेडीदार शाेधताना संशय आला तर संवाद थांबवावा शिवाय, त्याबाबत अधिक चाैकशी करावी, कुठलाही व्यवहार, बाेलाचाली करू नये. अनेकदा समाेरून ब्लॅकमेलिंगची धमकी दिली जाते.
अशावेळी जवळच्या पाेलीस ठाण्याशी, सायबर क्राईमशी संपर्क साधून मदत घ्यावी. त्यातून आपली हाेणारी फसवणूक नक्कीच टाळता येईल. जागरूकता हाच उत्तम पर्याय आहे.