अहमदपूर शहरात ६१ हजारांची घरफोडी
लातूर : घराच्या खिडकीचे रॉड तोडून अज्ञाताने प्रवेश केला. कपाटातील रोख रक्कम आणि सोन्याचे दागिने असा एकूण ६१ हजारांचा मुद्देमाल पळविल्याची घटना ५ ते २८ जुलैदरम्यान घडली. याबाबत अहमदपूर पोलीस ठाण्यात अज्ञातावर गुन्हा नोंद आहे. फिर्यादी प्रदीप मारुती फुलसे (४१, रा. फुलसेवाडी, ता. अहमदपूर) यांच्या घरात अज्ञात चोरट्यांनी प्रवेश केला. रोख ४१ हजार आणि दागिने असा एकूण ६१ हजार रुपयांचा मुद्देमाल लंपास केला. याबाबत अहमदपूर पोलिसांत गुन्हा नोंद आहे. तपास सहायक पोलीस निरीक्षक ठाकूर करीत आहेत.
ट्रकला अज्ञात वाहनाची धडक
लातूर : नांदेड रोडवरील कृषी महाविद्यालयानजीक ट्रक उभा करून चालक गेला असता अज्ञात वाहनाने ट्रकला धडक दिली. या अपघातात जवळपास ४० हजारांचे नुकसान झाले आहे. ही घटना २९ जुलै रोजी घडली. याबाबत विवेकानंद चौक पोलीस ठाण्यात गुन्हा नोंद आहे. फिर्यादी बबन राम शिंदे (३०, रा. बोथी, ता. चाकूर) याने आपल्या ताब्यातील ट्रक एमएच २४ बीई २७८९ महामार्गालगत थांबविला होता. दरम्यान, या ट्रकला अज्ञात वाहनाने धडक दिली. याबाबत विवेकानंद चौक पोलिसात गुन्हा नोंद आहे. तपास पोलीस नाईक जागीरदार करीत आहेत.
गंजगोलाई परिसरातून मोटारसायकलची चोरी
लातूर : शहरातील गंजगोलाई परिसरात एका ज्वेलर्स दुकानासमोर मोटारसायकल थांबविली होती. ती अज्ञात चोरट्याने पळविल्याची घटना २५ जुलै रोजी घडली. याबाबत गांधी चौक पोलीस ठाण्यात गुरुवारी गुन्हा नोंद आहे. फिर्यादी श्रीहरी किशन सोनटक्के (२८, रा. जमालपूर, ता.जि. लातूर) यांनी आपल्या ताब्यातील मोटारसायकल (एमएच २४ एफ ८३६३) एका ज्वेलर्स दुकानासमोर थांबविली होती. ती अज्ञाताने पळविली. याबाबत गांधी चौक पोलीस ठाण्यात गुन्हा नोंद आहे.
रिंग रोड परिसरातून दुचाकीची चोरी
लातूर : शहरातील नवीन रेणापूर नाका ते नांदेड नाका रिंग रोड परिसरात थांबविलेली मोटारसायकल अज्ञाताने पळविल्याची घटना १९ ते २० जूनदरम्यान घडली. याबाबत विवेकानंद चौक पोलीस ठाण्यात गुरुवारी गुन्हा नोंद करण्यात आला आहे. फिर्यादी सिद्धेश्वर बाबूराव चिल्लरगे (३४, रा. तत्तापूर) यांनी आपल्या ताब्यातील मोटारसायकल (एमएच २४ एडी २२३१) थांबविली होती. दरम्यान, ती अज्ञाताने पळविली. याबाबत विवेकानंद चौक पोलिसात गुन्हा नोंद आहे.
रुग्णालय परिसरातून वाहनाची चोरी
लातूर : शहरातील एका खासगी रुग्णालय परिसरात थांबविलेली मोटारसायकल अज्ञाताने पळविल्याची घटना २८ ते २९ जुलैच्या दरम्यान घडली. याबाबत शिवाजीनगर पोलीस ठाण्यात गुन्हा नोंद आहे. फिर्यादी राहुल राजाभाऊ राठोड (२०, रा. टाकळी, ता. परळी) यांनी आपल्या ताब्यातील मोटारसायकल (एमएच १३ बीएस ४८१६) रुग्णालय परिसरात थांबविली होती. दरम्यान, ती अज्ञाताने पळविली. याबाबत शिवाजीनगर पोलिसात अज्ञातावर गुन्हा नोंद आहे. तपास पोहेकॉ. भताने करीत आहेत.