मागील भांडणाची कुरापत काढून मारहाण
लातूर : मागील भांडणाची कुरापत काढून शिवीगाळ करून लाथा-बुक्क्यांनी मारहाण केल्याची घटना कोळपा गावात घडली. याप्रकरणी फिर्यादी नानासाहेब भगवान श्रीगीरे यांच्या तक्रारीवरून विवेकानंद चौक पोलीस ठाण्यात बालाजी किसन सातपुते यांच्यासह सोबत असलेल्या तिघांविरोधात कलम ३२४, ३२३, ५०४, ३४ भादंविप्रमाणे गुन्हा दाखल करण्यात आला आहे. पुढील तपास सपोउपनि परकोटे करत आहे.
मोटारसायकलची धडक, एकजण जखमी
लातूर : दुकानातून पायी छत्रपती शिवाजी महाराज चौकाकडे जात असताना अंबाजोगाई रोडकडून औसा रोडकडे जाणाऱ्या भरधाव वेगातील मोटारसायकल क्र. एमएच. २४. एई ४०४८ च्या चालकाने फिर्यादीस जोराची धडक दिली. यामध्ये फिर्यादी पुरुषोत्तम उद्धव सुरवसे गंभीर जखमी झाले आहेत. याप्रकरणी शिवाजीनगर पोलीस ठाण्यात मोटारसायकल (क्रं. एमएच २४. एई ४०४८)च्या चालकाविरोधात गुन्हा नोंद करण्यात आला आहे. पुढील तपास पोहेकॉ. भताने करत आहेत.