अहमदपूर शहरातून दुचाकीची चोरी
लातूर : अहमदपूर शहरातील कराड नगर येथे घरासमोर पार्किंग केलेली दुचाकी (क्र.एम.एच. २६ एल ६९८५) चोरीला गेल्याची घटना ३१ डिसेंबर रोजी घडली. या प्रकरणी संदीप रंगनाथराव सोनवळे (रा. कराड नगर, अहमदपूर) यांच्या तक्रारीवरून अज्ञात चोरट्यांविरुद्ध अहमदपूर पोलीस ठाण्यात गुन्हा नोंद करण्यात आला आहे. पुढील तपास पोना. साळवे करीत आहेत. जिल्ह्यात दुचाकी चोरीचे सत्र सुरूच असून, याला आळा घालण्याची मागणी नागरिकांतून होत आहे.
मांजा विक्री करणाऱ्याविरोधात गुन्हा
लातूर : लातूर शहरातील चौधरी गल्ली नं. ३ येथील एका दुकानात पतंगाच्या चायनीज नायलाॅन मांजाची विक्री करीत असताना मिळून आला. या प्रकरणी एमआयडीसी पोलीस ठाण्याचे पोलीस नाईक युवराज रामगीर गिरी यांच्या तक्रारीवरून सदरील दुकानदाराविरोधात गुन्हा नोंद करण्यात आला आहे. पुढील तपास सहायक फौजदार जगताप करीत आहेत. शहरात चायनीज नायलाॅन मांजा विक्री करणाऱ्यांविरोधात पोलिसांनी कारवाई सुरू केली आहे.