जिल्हा परिषदेअंतर्गत निवडश्रेणी व वेतनश्रेणीचे ६०३ व चटोपाध्याय वेतनश्रेणीचे ६०३ प्रस्ताव प्रलंबित होते. जिल्हा परिषद अध्यक्ष राहुल केंद्रे, उपाध्यक्ष तथा शिक्षण सभापती भारतबाई साळुंके यांनी याप्रश्नी विशेष लक्ष देऊन ते निकाली काढण्याचे निर्देश दिले होते. मुख्य कार्यकारी अधिकारी अभिनव गोयल, उपमुख्य कार्यकारी अधिकारी प्रभू जाधव यांनी विशेष लक्ष देऊन हा प्रश्न मार्गी लावला. चटोपाध्याय वेतनश्रेणीसाठी एकूण प्रस्तावांपैकी ९५, निवडश्रेणी व वेतनश्रेणीतील एकूण प्रस्तावांपैकी ३८६ प्रस्तावांना मान्यता देण्यात आली आहे. पात्र लाभार्थ्यांची यादी व त्रुटी पूर्ततेबाबतची माहिती जिल्हा परिषदेच्या वेबसाईटवर प्रसिद्ध करण्यात आली आहे.
चटोपाध्याय वेतनश्रेणीतील ८१ व निवडश्रेणी वेतनश्रेणीतील २१७ प्रस्तावांत त्रुटी आढळल्याने ३१ जुलैपर्यंत त्रुटी पूर्ण करून फेरसादर करावे. त्यानंतर या प्रस्तावांनाही लवकरच मंजुरी घेऊन पात्र लाभार्थी शिक्षकांनाही सुधारित वेतनश्रेणीचा लाभ देण्यात येईल, असे प्राथमिक शिक्षणाधिकारी विशाल दशवंत यांनी सांगितले.