लोकमत न्यूज नेटवर्क
कोल्‍हापूर : उजळवाईवाडीनजीक दुचाकी घसरून युवक गंभीर जखमी झाला. महेश आनंदा मुसळे (वय २३, रा. वाशी, मुंबई) असे जखमीचे नाव आहे. रविवारी दुपारी हा अपघात घडला. जखमीला उपचारासाठी सीपीआरमध्‍ये दाखल केले आले.
शिडीवरून पडून जखमी
कोल्‍हापूर : सुतार काम करताना शिडीवरून पडल्‍याने सुनील दिनकर शेट्टे (वय ५०) हा जखमी झाला. बालिंगा (ता. करवीर) येथे ही घटना घडली. त्‍यांना उपचारासाठी सीपीआरमध्‍ये दाखल केले आले. याची नोंद सीपीआर पोलीस चौकीत झाली.
क्रशर चौकात युवकास मारहाण
कोल्‍हापूर : सानेगुरुजी वसाहत येथील क्रशर चौकात युवकास मारहाण करण्यात आली. मगन राजाराम धोत्रे (वय ३४, रा. टिंबर मार्केट) असे जखमीचे नाव आहे. शनिवारी रात्री हा प्रकार घडला. जखमीवर सीपीआर रुग्‍णालयात उपचार केले. याची नोंद जुना राजवाडा पोलिसांत झाली.
नव विवाहितेचा मृत्यू
कोल्‍हापूर : विषारी द्रव प्राशन केल्‍याने प्रकृती चिंताजनक बनलेल्‍या विवाहितेचा मृत्यू झाला. सविता सुशांत लांडगे (वय २४, मणेराजुरी, सांगली) असे मृत महिलेचे नाव आहे. अंबप (ता. हातकणंगले) येथे माहेरी तिने विष प्राशन केल्याचे पोलिसांनी सांगितले. याची नोंद सीपीआर पोलीस चौकीत झाली.