कोल्हापूर : पाचगाव रोडवर स्कूटरचालकास अडवून त्याच्याकडील ७० हजारांची रोकड लुटल्याप्रकरणी करवीर पोलिसांनी एका तरुणास अटक केली, तर त्याचे दोन साथीदार अद्याप फरार आहेत. अभिषेक रवींद्र पोवार (वय २३ रा. गंजीमाळ, टिंबर मार्केट, कोल्हापूर) असे अटक केलेल्याचे नाव असून त्याला उद्या, सोमवारपर्यंत पोलीस कोठडी सुनावली.
शनिवारी (२९ मे) रोजी पहाटेच्या सुमारास तिघांनी पाचगाव रोडवर सुधीर राचप्पा यनोळगे (वय ५९, रा. गिरगाव रोड, पाचगाव ओमकारनगर नजीक) यांना अडवून त्यांना लाथाबुक्क्यांनी मारहाण करून त्यांच्या खिशातील ७० हजारांची रोकड जबरदस्तीने लुटली होती. त्यावेळी हल्लेखोरांनी पैलवानाला उलटे का बोलतोस? असे सांगून मारहाण केली होती. यावेळी तिघांवर करवीर पोलीस ठाण्यात गुन्हा नोंदवला होता. याप्रकरणी करवीर पोलिसांनी शुक्रवारी रात्री उशिरा अभिषेक पोवार याला अटक केली. त्याला शनिवारी न्यायालयात हजर केले असता त्याला उद्या, सोमवारपर्यंत पोलीस कोठडी सुनावली. याप्रकरणात ओंकार पाटील व लक्ष्मण कांबळे या आणखी दोन संशयितांची नावे निष्पन्न झाली असून पोलीस त्यांचा शोध घेत आहेत.
फोटो नं. ०५०६२०२१-कोल-अभीजीत पोवार(आरोपी)
===Photopath===
050621\05kol_1_05062021_5.jpg
===Caption===
फोटो नं. ०५०६२०२१-कोल-अभीजीत पोवार(आरोपी)