कोल्हापूर : राष्ट्रवादी काँग्रेसचे अध्यक्ष, ज्येष्ठ नेते शरद पवार यांच्या ८० व्या वाढदिवसानिमित्त आज, शनिवारी व्हर्च्युअल रॅलीचे आयोजन केले आहे. त्याचबरोबर पक्षाच्या जिल्हा कार्यालयाचे उद्घाटनही होणार असल्याची माहिती जिल्हाध्यक्ष ए. वाय. पाटील व कार्याध्यक्ष अनिल साळोखे यांनी पत्रकातून दिली.
आज, सकाळी दहा वाजता शाहू मार्केट यार्ड येथील कागल तालुका खरेदी-विक्री संघाच्या इमारतीतील पक्षाच्या कार्यालयाचे उद्घाटन ग्रामविकास मंत्री हसन मुश्रीफ यांच्या हस्ते होणार आहे. त्याचबरोबर सकाळी अकरा वाजता शाहू सांस्कृतिक मंदिर येथे पक्षाध्यक्ष शरद पवार यांच्या वाढदिवस विशेष कार्यक्रमाने साजरा केला जाणार आहे. पक्षाध्यक्ष पवार हे ऑनलाईनद्वारे कार्यकर्त्यांशी संपर्क साधणार आहेत. तालुक्याच्या ठिकाणीही हा कार्यक्रम साजरे केलेा जाणार असल्याचे जिल्हाध्यक्ष पाटील व कार्याध्यक्ष साळोखे यांनी पत्रकात म्हटले आहे.
-राजाराम लोंढे