कोल्हापूर : कौटुंबिक कारणावरून बहिणीच्या पतीच्या घरावर सशस्त्र हल्ला करून मेहुण्यास गंभीर जखमी केल्याप्रकरणी राजारामपुरी पोलिसांनी दोघांना अटक केली. फजलेकरिम इम्तियाद महालकरी (वय २४), आरिफ राजू महालकरी (२४, दोघेही रा. सिरत मोहल्ला, जवाहरनगर) अशी अटक केलेल्या दोघा संशयितांची नावे आहेत. त्यांना पोलीस कोठडी देण्यात आली.
आफताब पटेल यांच्या पत्नी आमना पटेल या माहेरी जवाहरनगरात भाऊ फजलेकरिम महालकरीकडे राहतात. शनिवारी दुपारी कौटुंबिक वादातून फजलेकरिम महालकरी, आरिफ महालकरी यांनी कोयता, लोखंडी रॉड, काठ्यांनी घरावर सशस्त्र हल्ला केला. घरातील प्रापंचिक साहित्यासह दारात उभ्या असलेल्या दोन चारचाकी वाहनांची तोडफोड केली; तर आफताब पटेल यांच्याही डोक्यात कोयत्याने हल्ला करून त्यांना गंभीर जखमी केले होते. याप्रकरणी राजारामपुरी पोलिसांनी दोघा संशयितांना अटक केली.