कोल्हापूर : येथील शनिवार पेठेत बुधवारी मध्यरात्री एका घराची भिंत कोसळली. यामुळे गोठ्यात अडकलेल्या तीन म्हशींची अग्निशमन दलाच्या जवानांनी तीन तासांच्या अथक प्रयत्नानंतर सुटका केली.
अग्निशमन दलाने दिलेली माहिती अशी की, शनिवार पेठ परिसरात गवळी गल्लीत दुमजली जुन्या घरात एक कुटुंब राहते. घराच्या पाठीमागील बाजूस जनावरांचा गोठा आहे. चार दिवस कोसळणाऱ्या पावसामुळे बुधवारी मध्यरात्री घराच्या मागील भिंत कोसळली. त्यावेळी मोठा आवाज झाला. सुदैवाने या घटनेत कोणीही जखमी झाले नसले तरीही घटनेमुळे गोठ्यातील तीन म्हशी अडकल्या. घटेनची माहिती मिळताच अग्निशमन दलाचे जवान तातडीने घटनास्थळी आले. जवानांनी खिडकीलाच भगदाड पाडून तीन म्हशींना सहीसलामत बाहेर काढले. संबंधित कुटुंबाने अग्निशमन दलाचे आभार मानले. या बचाव कार्यात मुख्य फायर अधिकारी तानाजी कवाळे, स्थानक अधिकारी जयवंत खोत, रेस्क्यू पथकाचे संजय पाटील, खानू शिनगारे, निवास जाधव, उदय शिंदे, चालक दत्तात्रय जाधव, सर्जेराव लोहार, पुंडलिक माने यांनी सहभाग घेतला.
फोटो नं. १५०७२०२१-कोल-शनिवार पेठ०१
ओळ : शनिवार पेठेत गवळी गल्लीत मुसळधार पावसात दुमजली घराची भित कोसळल्याने गोठ्यात अडकलेल्या तीन म्हशींना अग्निशमन दलाच्या जवानांनी खिडकीलाच भगदाड पाडून सहीसलामत बाहेर काढले.
150721\15kol_7_15072021_5.jpg
ओळ : शनिवार पेठेत गवळी गल्लीत मुसळधार पावसात दुमजली घराची भींत कोसळल्याने गोठ्यात आडकलेल्या तीन म्हंशींना अग्नीशमन दलाच्या जवानांनी खिडकीलाच भगदाड पाडून सहिसलामत बाहेर काढले.